Ditzionàriu in línia
de sa limba e de sa cultura sarda

brúnzinu , agt Definitzione chi est de brunzu, fatu cun brunzu Tradutziones Frantzesu en bronze Ingresu bronze, steely Ispagnolu de bronce Italianu brónzeo Tedescu bronzen.

brúnzu , nm Definitzione genia de metallu, arràmene e istàngiu ammesturaos apare in proportzione istabbilia: in sa civiltade de is Sardos (e de àtere) in s'antigóriu at tentu un'importu mannu e at distintu a tempus meda sa civiltade sarda; est metallu chi ponent mescamente a fàere campanas, sonàgias, isculturas Maneras de nàrrere csn: brúnzinu = de brunzu; pingiada de b. = pajolu; forte che b. = forte meda Frases mancari siant sas giannas de brunzu ti ndhe ruent in pes a un'ispinta ◊ sas campanas las faghent de brunzu ◊ sos Sardos de s'antigóriu faghiant istatuedhas e ainas de brunzu Sambenados e Provèrbios smb: Brunzu Terminologia iscientìfica mtl Ètimu itl. Tradutziones Frantzesu bronze Ingresu bronze Ispagnolu bronce Italianu brónzo Tedescu Bronze.