addúcas , cng: adduncas,
anducas,
ducas,
edducas Definitzione
foedhu chi si narat coment'e po acabbare un’arrexonamentu, faendho is concruos, o po nàrrere su chi dipendhet de s'àteru chi s'est nau; s'impreat meda fintzes cumenciandho su chistionu, coment'e chi su cumenciare a foedhare siat sa sighia de su chi si fut pentzandho
Sinònimos e contràrios
tandho
Frases
po fai custu doveri, adduncas, ant postu a tui?!
Ètimu
srd.
Tradutziones
Frantzesu
donc
Ingresu
therefore
Ispagnolu
luego,
pues,
entonces
Italianu
dùnque
Tedescu
also.
assòra , avb, cng: assoras Definitzione
inditat tempus atesu de su mamentu chi si foedhat (prus che àteru passau); s'impreat po inditare calecuna cosa chi ndhe dipendhet de un'àtera / assora assora = própriu tandho
Sinònimos e contràrios
inciandus,
insaras,
tandho
Frases
assora, in sa badhe sa funtana murmutat in sa rena (S.Baldino)◊ e cantos pedidores che assora si contant oe puru! ◊ assora assora aias tocadu sos vinti annos ◊ dae assoras isse est istadu su menzus amigu ◊ custas fuint cosas de assoras e de dogna tempus
2.
candho fut passendhe su santu, su massàgiu no si at bogadu su capedhu e assora si est frommadu a crastu ◊ assora pro chie peleamus: pro Roma o pro sa Sardínnia? ◊ chi dhus atendis, is frois, assora gei faint ◊ innantis pagas e assora ti che leas sa cosa ◊ assora, ti suvenzat chi deo su chi fia so (B.Mureddu)
Ètimu
srd.
Tradutziones
Frantzesu
alors
Ingresu
then
Ispagnolu
entonces
Italianu
allóra
Tedescu
damals.
inciàndus , avb, cng: insandu,
insandus,
intandho,
intandu,
intandus,
intzandu,
intzandus,
issandus Definitzione
pag'ora como, in cussu mamentu; nau coment'e cng. serbit po afortire un'àtera cng. o fintzes po inditare calecuna cosa chi ndhe dipendhet de un'àtera
Sinònimos e contràrios
assora,
insaras,
meinciandus,
tandho
Frases
fince inciandus ci funta is brúscias… ◊ cussa fiat cosa chi intandu si castiàt meda ◊ si ndh'andhesit intandho s'ammiràgliu pensàndhoro aterue tènnere sorte (A.Demontis Licheri)◊ issandus fiaus prexaus prus de oi
2.
intzandus poita no dhu fais tui, si ses àbbili? ◊ candu at biu chi sa terra fut tostada, intzandus no dh'at arada ◊ e intzandus si bieus? ◊ chi eus acabbau, intzandus immoi mi ndi andu! ◊ si as acabbau, inciandus immó beni a innoxi ca ti depu narri una cosa!
Ètimu
srd.
Tradutziones
Frantzesu
alors
Ingresu
then,
therefore
Ispagnolu
entonces
Italianu
allóra
Tedescu
da,
damals.
insàra, insàras, insàsa , avb, cng: intzaras,
issara,
issaras Definitzione
como pag'ora; comogomo, issarighedha, tandhodandho; a su tempus, in cussu mamentu; ca est (fut) deasi ndhe benit (ndh'est beniu) chi…
Sinònimos e contràrios
assora,
cuschindhe,
inciandus,
tandho
| ctr.
commo
Maneras de nàrrere
csn:
issara, insara insara = pagu in s'ora, apenas un'iscutighedha innanti, comogomo; de insaras a immoi = de tandho a como; de insaras a innantis = de tandho in pustis
Frases
biendi is ogus tuus disigiamu de morri intzaras ◊ li conto una cosa chi mi est sutzessa issara andhendhe a s'abba ◊ su sole ch'est faladu da'insara in sos saltos ispanos de ponente (S.Casu)◊ ti repito su chi apo nadu issara: chi ses faltzu già si bidet a sa chinna! ◊ si emu pentzau insaras, de custas penas no nd'emu bistu mai! ◊ no ti l'apo a fàghere prus sa proposta de issara
2.
tiu tou fit inoghe issara: fia pessendhe chi aizis fatu a paris!
3.
ojos de bellesa rara, niedhos, castanzos, vàrios, cun milli modos contràrios ferint e curant insara ◊ chi ndi tenis meda, intzaras donamindi!
Ètimu
ltn.
ipsa hora
Tradutziones
Frantzesu
à ce moment -là,
naguère
Ingresu
just now
Ispagnolu
entonces
Italianu
allóra,
testé
Tedescu
da,
kurz zuvor.
tàndho , avb, nm, cng: tàndhoro,
tandru,
tandu,
tànduru,
tandus,
tanno Definitzione
foedhu chi inditat unu tempus atesu (meda o pagu) de candho si foedhat, siat passau e siat benidore; coment'e pedindho un'ispiegatzione, un'arresposta, si narat po inditare cosa chi ndhe benit de un'àtera (efetu, cunseguéntzia) o fintzes po concruire su chi si cumprendhet de calecunu indítziu o cunditzione
Sinònimos e contràrios
assora,
inciandus,
insara
/
adducas,
meinciandus
| ctr.
commo
Maneras de nàrrere
csn:
in su tandho = a sos tempos, in cussu tempus; tandho tandho (tandhodandho)= un'iscuta innantis, como pag'ora (in "comogomo" s'idea est de unu mamentu prus acurtzu a candho si faedhat); a coa a tandho = in totu su tempus, meda, de inoghe a tandho (a cussu chi as o at nadu)
Frases
funt abarraos comente fut tanno ◊ pro como faghe goi: candho amus a bídere chi andhat male, tandho amus a cambiare! ◊ bae ca no abbarro a tandho a mi fàghere sa faina! ◊ a coa a tandho amus a àere finidu su triballu ◊ si a tandho si agatat, già est forte che giurru, e no morit de fàdigu…◊ tandho fit tandho e como no est tandho: como so su chi so, no su chi fia! (Piga)◊ candho degheoto annos solu aia… tandho fit tandho: como no est tandho! (Pirastru)
2.
sos chi fint bios in su tandho ◊ custas fint usàntzias e leges de su tandho ◊ in su tandho, Gesús si est postu a faedhare de su regnu de Deus
3.
- e tandho, Antoní, a ispeto o a mi che andho? ◊ si dogni cosa primu est destinada, de volontade, tandho, no bi ndh'at! ◊ si de sos presoneris ses su santu, si no a tie, a chie pregant, tandho? (Piras)◊ - E tandho? - E tandho no est como! ◊ si azis manigadu… tandho no tenides fàmine! ◊ tandho, si est gai, no bi andho! ◊ custa cosa l'as pagada tantu: tandho za tenzo resone chi est comporada!
4.
ch'est essidu tandho tandho ◊ a coa a tandho amus totu fatu ◊ lèadi a manigare, mighi a coa a tandho ti ndhe irbulas de cascare!
Ètimu
ltn.
tando
Tradutziones
Frantzesu
alors
Ingresu
then
Ispagnolu
entonces
Italianu
allóra
Tedescu
da.