Ditzionàriu in línia
de sa limba e de sa cultura sarda

iserbónzu , nm: iservonzu Definitzione su iserbare, su ndhe bogare s'erba a tiradura de arraighinas Sinònimos e contràrios innetiadolzu, isarghera, iselvinzu, iserbadura, issiligognu, scabiscadura, scadradura Frases in s'iserbonzu nos cheret tempus ca su laore est brutu meda de erba Ètimu srd. Tradutziones Frantzesu action de désherber Ingresu weeding Ispagnolu escarda Italianu diserbatura, disèrbo Tedescu Unkrautvertilgung.

marríngiu , nm: marrinzu Definitzione unu de is trebballos chi si faent a is laores (o àteru semenau o prantau) po dhis mòvere sa terra e crèschere límpios de erba Sinònimos e contràrios marradura, marronera, tzapitonzu Frases de freàgiu a abrile si faet su marríngiu de is laores e in maju s’illimpióngiu ◊ bi cheret marrinzu a su trigu, sinono binchet sa malesa Ètimu srd. Tradutziones Frantzesu sarclage Ingresu hoeing Ispagnolu cava, escarda Italianu zappettatura, sarchiatura Tedescu Jäten.

marríta , nf Definitzione min. de marra, marra pitica, a màniga longa po mòvere sa terra a sa cosa prantada o semenada Sinònimos e contràrios marraschedha, marrinzedha, marruntzedha, tzampita Terminologia iscientìfica ans Tradutziones Frantzesu sarcloir Ingresu weeder Ispagnolu escarda Italianu sàrchio Tedescu Jäthacke.