alguèna , nf: arguena, arguene, irguene Definitzione sa canna de su gúturu inue passat su papare de buca a s'istògomo; sa canna de su gúturu inue passat s'ària andhandho a o torrandho de is prumones Sinònimos e contràrios garguena / aghentolu, bilguzu, gaigastolu, gorga, gorguzu, ingollidosu, ingrastolu, ingullidorzu, ingurtidórgiu, ugrullu, valgastolu Frases ti ndhe pigat su coro a s'arguene ◊ lu leat a sa coa e li frigat su pè in s'alguena ◊ su corbu fit croculendhe cun totu s'arguena ◊ unu nodu mi serrat s'alguena chi no mi lassat mancu murmutare Terminologia iscientìfica crn Ètimu srd. Tradutziones Frantzesu œsophage Ingresu esophagus Ispagnolu esófago, tráquea Italianu esòfago, trachèa Tedescu Speiseröhre.

gorgobèna , nf: gorgoena, gorgonea, gorgovena, groghena, gulguena, gurguena Definitzione sa canna de su gúturu inue passat su papare de buca a s'istògomo; su butone o cabu de is prumones, sa canna de su gúturu inue passat s'ària andhandho a o torrandho de is prumones Sinònimos e contràrios alguena, garguena / aghentolu, bilguzu, gorguzu, ingrastolu, ingurtidórgiu, ugrullu, valgastolu / bula, ganghedhas Frases una rana si ch'est intrada, a isporrónchios de assustru, a sa gorgobena aperta de una colobra 2. dh'iat aferrau a sa gorgonea ◊ sa gardanera zuchet su trucu nighedhu píchidu in su gatile e biancu in sa gorgobena Terminologia iscientìfica crn Tradutziones Frantzesu œsophage, trachée, larynx Ingresu esophagus, larynx, trachea Ispagnolu esófago, tráquea, laringe Italianu esòfago, trachèa, laringe Tedescu Speiseröhre, Luftröhre, Kehlkopf.

ingollidósu , nm Definitzione sa canna de su gúturu inue passat su papare de sa buca a s'istògomo Sinònimos e contràrios aghentolu, bilguzu, gaigastolu, gorga, gorguzu, ingrastolu, ingullidorzu, ingurtidórgiu, valgastolu / alguena, garguena Terminologia iscientìfica crn. Ètimu srd. Tradutziones Frantzesu œsophage Ingresu esophagus Ispagnolu esófago Italianu esòfago Tedescu Speiseröhre.

ogroèna , nf: orgoena, orgonea, orguena, ugruena Definitzione sa canna de su gúturu inue passat su papare de buca a s'istògomo; sa canna de su gúturu inue passat s'ària andhandho a o torrandho de is prumones Sinònimos e contràrios alguena*, garguena, gorgobena, ilguena Frases at fatu unu pràngiu de cosas lichitosas chi faint isciabudhai s'orguena e s'istògumu! Terminologia iscientìfica crn Tradutziones Frantzesu œsophage, trachée Ingresu esophagus, windpipe Ispagnolu esófago, tráquea Italianu esòfago, trachèa Tedescu Speiseröhre, Luftröhre.

«« Torra a chircare