Ditzionàriu in línia
de sa limba e de sa cultura sarda

aghentólu , nm: aighestolu, angrastolu, argatolu, arghentolu, irgustolu Definitzione sa canna de su gúturu inue passat su papare de buca a s'istògomo; sa canna de su gúturu inue passat s'ària andhandho a o torrandho de is prumones Sinònimos e contràrios bilguzu, gorga, gorguzu, ingrastolu, ingullidorzu, ingurtidórgiu, ugrullu, valgastolu / alguena, garguena Frases in cuss'istante torrat a pitzocu e su binu, passendhe in s'arghentolu, l'agatat bonu, mancari malocu (P.A.Congiu)◊ si che li falas in s'argatolu, a s'astore pudhighinaju, no li falat raju! 2. no at boghe s'arghentolu issoro ◊ partint cudhos cun trumbas e trumbitas, s'arte mustrendhe de s'insoro arghentolu Terminologia iscientìfica crn Ètimu cdh. gjalgastolu Tradutziones Frantzesu trachée Ingresu windpipe Ispagnolu tráquea Italianu trachèa Tedescu Luftröhre.

gannaròtza , nf: cannarotza* Definitzione sa canna de su gúturu Sinònimos e contràrios bula, gúturu Frases crachissinci su didu in buca fintzas a sa gannarotza, ca gei dhi fait efetu! Terminologia iscientìfica crn Tradutziones Frantzesu gorge, gosier Ingresu windpipe Ispagnolu garganta Italianu gorgòzzo Tedescu Speiseröhre.

ogroèna , nf: orgoena, orgonea, orguena, ugruena Definitzione sa canna de su gúturu inue passat su papare de buca a s'istògomo; sa canna de su gúturu inue passat s'ària andhandho a o torrandho de is prumones Sinònimos e contràrios alguena*, garguena, gorgobena, ilguena Frases at fatu unu pràngiu de cosas lichitosas chi faint isciabudhai s'orguena e s'istògumu! Terminologia iscientìfica crn Tradutziones Frantzesu œsophage, trachée Ingresu esophagus, windpipe Ispagnolu esófago, tráquea Italianu esòfago, trachèa Tedescu Speiseröhre, Luftröhre.