Ditzionàriu in línia
de sa limba e de sa cultura sarda

giriscóngru , agt: giuriscongru Definitzione chi est a làcanas cun calecun’àteru Sinònimos e contràrios afrontante, cussolzale, lacanante, lacanarju Ètimu ltn. juris congrui Tradutziones Frantzesu limitrophe Ingresu neighbouring Ispagnolu limítrofe Italianu limìtrofo Tedescu angrenzend.

lacanànte, lacanànti , agt, nm: allacananti Definitzione chi o chie tenet sa matessi làcana cun calecun'àteru, chi tenet làcana a cumone Sinònimos e contràrios afrontante, carrabaju, giuriscongru, lacanarju, lacanesu Frases Illorai e Bolòtana sunt bidhas lacanantes ◊ totus seus lacanantis apari in su bèni e in su malu fai ◊ bidhas e zonas lacanantis Ètimu srd. Tradutziones Frantzesu limitrophe Ingresu neighbouring Ispagnolu limítrofe, colindante Italianu limìtrofo Tedescu angrenzend.

probiànu , agt: aprobianu, propianu, proprianu, provianu Definitzione chi est de is logos a fúrriu, de apresu, chi est o istat própriu acanta, aprobe / sas bidhas probianas = is bidhas de acanta; sos proprianos = is bixinus Frases sa turre de sa crésia si pesat arta subra de sas domos propianas ◊ giogant in carrela sos pitzinnos provianos ◊ cales sunt sa bidhas proprianas de sa tua? Ètimu ltn. *propeanus Tradutziones Frantzesu circonvoisin Ingresu surrouding Ispagnolu limítrofe, circunvecino Italianu circonvicino, contìguo Tedescu umliegend, benachbart.