Ditzionàriu in línia
de sa limba e de sa cultura sarda

ampúa , nf Definitzione disígiu arrabiau de fémina (o de ómine), de mascu Sinònimos e contràrios debusia, lusca, sua 1 Ètimu srd. Tradutziones Frantzesu volupté, luxure Ingresu sensual pleasure Ispagnolu voluptuosidad, lujuria Italianu voluttà, libìdine Tedescu Wollust, Lüsternheit.

ganía , nf Definitzione gana manna, disígiu meda, prus che àteru de genia sessuale Sinònimos e contràrios gana / insoadura Frases sa gania disizosa de su càntigu e s'irbadhinamentu de sa cursa che li fint pigados a conca ◊ a dommo de sa gania ch'est andhau su fàmmene… Ètimu srd. Tradutziones Frantzesu grand plaisir sexuel Ingresu intense lust Ispagnolu libídine, lujuria Italianu intènso desidèrio sessuale Tedescu Geilheit, Begierde.

lúsca , nf, nm: luscu 1 Definitzione gana manna, mescamente disígiu de fémina (o de ómine) Sinònimos e contràrios ampua, luscore, luscura, sua 1 Frases sa fatza la zughiat brusiada dae sa lusca 2. issu puru lassabat andhare sa fune a sa lusca chi lu fit pessichindhe (S.Spiggia) Tradutziones Frantzesu luxure Ingresu lust Ispagnolu lujuria Italianu lussùria, libìdine Tedescu Unzucht.