Ditzionàriu in línia
de sa limba e de sa cultura sarda

istruméntu , nm: istrummentu, strumentu Definitzione documentu púbblicu chi faet su notàriu e narat de chie est unu bene; css. aina, aparíciu, machinàriu po fàere ccn. cosa / i. musicale = aina fata apostadamente po sonare música, de genia diferente segundhu ite dha faet sonare (a sulu a o bentu, de linna o de otone; a iscudidura, a cropos, es. is tumbarinos) Sinònimos e contràrios atu, paperi / aina, aparéciu, machinàriu Frases su notàriu pro su sodhu sa lira nos at leadu, sempre e candho at capitadu de fàghere carchi istrumentu ◊ su notaju de istrumentos frassos fit dispostu a ndhe fàghere cantos ndhe li pediant Ètimu itl. strumento Tradutziones Frantzesu acte notarié, instrument Ingresu notarial act Ispagnolu escritura, acta notarial Italianu atto notarile, struménto Tedescu notarielle Urkund, Instrument.

notaríle , agt Definitzione de is notàrios, chi dh'at fatu unu notàriu; nau a disprétziu de una manera de fàere chi càstiat prus a sa forma, a sa lei, chi no a sa sustàntzia 2. custa zente notarile, chie trampat, chie est vile e bai su restu Tradutziones Frantzesu notarié Ingresu notarial Ispagnolu notarial Italianu notarile Tedescu notariell.

prísia , nf Definitzione libbru o registru de is cuntratos e testamentos chi faent is notàrios Ètimu ctl. (a)prisia Tradutziones Frantzesu registre Ingresu register Ispagnolu protocolo notarial Italianu protocòllo degli atti notarili Tedescu Urkundenarchiv der Notare.