Ditzionàriu in línia
de sa limba e de sa cultura sarda

istruméntu , nm: istrummentu, strumentu Definizione documentu púbblicu chi faet su notàriu e narat de chie est unu bene; css. aina, aparíciu, machinàriu po fàere ccn. cosa / i. musicale = aina fata apostadamente po sonare música, de genia diferente segundhu ite dha faet sonare (a sulu a o bentu, de linna o de otone; a iscudidura, a cropos, es. is tumbarinos) Sinonimi e contrari atu, paperi / aina, aparéciu, machinàriu Frasi su notàriu pro su sodhu sa lira nos at leadu, sempre e candho at capitadu de fàghere carchi istrumentu ◊ su notaju de istrumentos frassos fit dispostu a ndhe fàghere cantos ndhe li pediant Etimo itl. strumento Traduzioni Francese acte notarié, instrument Inglese notarial act Spagnolo escritura, acta notarial Italiano atto notarile, struménto Tedesco notarielle Urkund, Instrument.

notaríle , agt Definizione de is notàrios, chi dh'at fatu unu notàriu; nau a disprétziu de una manera de fàere chi càstiat prus a sa forma, a sa lei, chi no a sa sustàntzia 2. custa zente notarile, chie trampat, chie est vile e bai su restu Traduzioni Francese notarié Inglese notarial Spagnolo notarial Italiano notarile Tedesco notariell.

prísia , nf Definizione libbru o registru de is cuntratos e testamentos chi faent is notàrios Etimo ctl. (a)prisia Traduzioni Francese registre Inglese register Spagnolo protocolo notarial Italiano protocòllo degli atti notarili Tedesco Urkundenarchiv der Notare.