codiàda , nf Definitzione su codiare; fintzes cosa immentigada Sinònimos e contràrios codiatura, coizadura Ètimu srd. Tradutziones Frantzesu oubli Ingresu oblivion Ispagnolu olvido Italianu dimenticanza Tedescu Vergessen.

ilméntigu , nm: imméntigu, imméntrigu, irménticu, irméntigu, isméntigu Definitzione su irmentigare, su essire de una cosa de sa mente Sinònimos e contràrios imméntiga, iscaessidura, obblevione, olvidu, scarescimentu / cdh. sménticu, smínticu | ctr. ammentu, arragodu Frases su papàile dat s'imméntrigu, nostru trobeale ◊ est atesu che s'isméntigu ◊ s'allega intrat in su niedhore de s'irménticu Ètimu srd. Tradutziones Frantzesu oubli, amnésie Ingresu forgetfullness, loss of memory Ispagnolu olvido, descuido Italianu dimenticanza, amnesìa Tedescu Vergessen, Amnesie.

imméntiga , nf Definitzione su immentigare, manera de fàere de chie imméntigat ca bolet immentigare Sinònimos e contràrios immentigadórgiu Frases sunt in medas a iscummítere chi sa moda de poetare de sos betzos nostros ch'est ruta in su putu de s'imméntiga (G.Elies) Ètimu srd. Tradutziones Frantzesu obliettes Ingresu oblivion Ispagnolu olvido Italianu dimenticatóio Tedescu Vergessenheit.

olvídu , nm: orbidu, orvidu, urvidu Definitzione su s'iscaèssere, su no arregodare prus / pònnere in o. = iscarèsciri, immentigare apostadamente Sinònimos e contràrios ilméntigu, obblevione, olvidamentu, scarescimentu Frases dogni cosa che ruet in olvidu ◊ sas cosas tocat a las sarbare dae s'orbidu ◊ curtos sos palos e sos pannos afrischiaos in su sostre de s'olvidu! ◊ tocat a sarvai is cosas de s'orvidu! ◊ acabbada dh'eus custa trista istória e de medas orvidus pregu a m'iscusai (F.Puxeddu) Tradutziones Frantzesu oubli Ingresu oblivion Ispagnolu olvido Italianu oblìo Tedescu Vergessenheit, Vergessen.

scaresciméntu , nm Definitzione su iscarèsciri, su immentigare Sinònimos e contràrios ilméntigu, iscaessidura, obblevione, olvidu Frases no apu portau cussa cosa isceti po scarescimentu ◊ nc'est istau scarescimentu po tant'annus Ètimu srd. Tradutziones Frantzesu oubli Ingresu oblivion Ispagnolu olvido Italianu oblìo, dimenticanza Tedescu Vergessenheit.

«« Torra a chircare