Legenda Incurtzaduras | Legenda Sìmbulos

aciaróllu , nm: ciarollu Definitzione su èssere drolles, su istare o èssere a pagu incuru in su bestire, in su fàere po no ndh'èssere bonos o po sa pagu gana Sinònimos e contràrios drollàmene, drolléntzia, sgangàgliu Ètimu srd. Tradutziones Frantzesu négligé Ingresu slovenliness Ispagnolu descuido, dejadez Italianu sciatterìa Tedescu Nachlässigkeit.

allabéntu , nm Definitzione manera de fàere is cosas cun pagu atentzione Sinònimos e contràrios abbambanamentu, disatentzione, illabentu, sbeliadura, sbéliu, sbentiadura Frases ghira sa zanna abbellu abbellu, ca pro s'allabentu tuo mi nche ischidas su pitzinnu! Ètimu srd. Tradutziones Frantzesu étourderie Ingresu rashness, recklessness Ispagnolu atolondramiento, descuido Italianu sventatézza, sbadatàggine Tedescu Zerstreutheit.

andhatzòna , nf Definitzione manera de fàere lassandho andhare is cosas a pagu incuru Sinònimos e contràrios andheju, annatzu Tradutziones Frantzesu habitudes Ingresu bad custom Ispagnolu desidia, descuido Italianu andazzo Tedescu Unsitte.

descuídu , nm: discódiu, discóidu, discoiru, discuidu, discúidu, discúitu Definitzione su lassare is cosas a trascuru, chentza fatas, su tirare a longas po pagu incuru Sinònimos e contràrios abbandhonu, disamparu, discodiau, scabudu, scoidu, trascura, trascuràntzia / cdh. scuntivíciu | ctr. coidade, contibizu, presse Frases si morjo goi est discódiu meu ◊ ancu ti si ponzat su discódiu! ◊ dae culpa de su discóidu apo fatu in debbadas su caminu ◊ apo pérdidu sa missa pro discúidu 2. su discódiu no fit debbadas si su fizu no fit galu torrau! Sambenados e Provèrbios prb: su discóidu est cumpanzu de sa malasorte Ètimu spn. Tradutziones Frantzesu négligence coutumière Ingresu shabbyness Ispagnolu descuido Italianu trascuratézza, grave negligènza Tedescu Nachlässigkeit.

discodiàu , pps, nm, agt: discoidadu, discoirau, discuidadu, discuidatu, discuidau Definitzione de discodiare; persona chi lassat tropu is cosas a trascuru; su no tènnere presse, lestresa, incuru in su fàere is cosas; chi istat a discóidu, cambadu, agoa Sinònimos e contràrios discoidosu, iscoidau / descuidu, mindhafutia, scoidu, trascura | ctr. coidadosu, impedinadu / coidade 3. un'astore si est betadu a che leare una pudha discuidada ◊ tue chi tenes a prontu mutos e versos no t'istes discuidadu! ◊ mi ghetant nexi ca seu discuidau Tradutziones Frantzesu négligence Ingresu negligence Ispagnolu descuidado, descuido Italianu negligènza, trascuratézza Tedescu Nachlässigkeit.

drolléntzia , nf Definitzione su èssere drolles, su istare o èssere a pagu incuru in su bestimentu, in su fàere, po no ndhe èssere bonos o po sa pagu gana Sinònimos e contràrios aciarollu, drollàmene, sgangàgliu Ètimu srd. Tradutziones Frantzesu négligé, laisser-aller Ingresu slovenliness Ispagnolu descuidado, descuido Italianu sciatterìa Tedescu Nachlässigkeit.

illabéntu , nm Sinònimos e contràrios abbambanamentu, allabentu, allampioi, sbeliadura, sbéliu, sbentiadura | ctr. atenscione, cabu Ètimu srd. Tradutziones Frantzesu étourderie, inadvertance Ingresu absent-mindedness Ispagnolu distracción, descuido Italianu sbadatàggine Tedescu Zersteuheit.

ilméntigu , nm: imméntigu, imméntrigu, irménticu, irméntigu, isméntigu Definitzione su irmentigare, su essire de una cosa de sa mente Sinònimos e contràrios imméntiga, iscaessidura, obblevione, olvidu, scarescimentu / cdh. sménticu, smínticu | ctr. ammentu, arragodu Frases su papàile dat s'imméntrigu, nostru trobeale ◊ est atesu che s'isméntigu ◊ s'allega intrat in su niedhore de s'irménticu Ètimu srd. Tradutziones Frantzesu oubli, amnésie Ingresu forgetfullness, loss of memory Ispagnolu olvido, descuido Italianu dimenticanza, amnesìa Tedescu Vergessen, Amnesie.

scoídu, scóidu , nm Definitzione discódiu, su no tènnere presse, lestresa, incuru in su fàere is cosas Sinònimos e contràrios descuidu*, discodiau, trascura | ctr. coidade, incuru Frases est peus su scoidu chi no sa preitza Tradutziones Frantzesu négligence Ingresu negligence Ispagnolu descuido Italianu trascuratézza Tedescu Nachlässigkeit.

«« Torra a chircare