Legenda Incurtzaduras | Legenda Sìmbulos

orasciòne , nf: orassione, orassioni, oratzioni, orocioni Definitzione css. pregadoria, mescamente sa chi si narat in oras de apretu o de timoria; tocu de campanas a mengianu, a merie / nàrrere s'orassione = pregai; sonai is oratzionis = sonare sas fremmarias Sinònimos e contràrios arresa, ispossóliu, precadoria / fremmaria Frases candho che corcat su pitzinnu l'avertit de nàrrere sas orasciones a su babbu ◊ a fàcia a terra, fatendhe orascione andho che unu tziu, istracu e lentu (G.A.Cossu)◊ is féminas s'ingenugant e cun is manus in su runcu cumènciant a si fai sa rugi e a nai s’orassioni Tradutziones Frantzesu oraison Ingresu prayer Ispagnolu oración, rezo, plegaria Italianu orazióne Tedescu Gebet, Oration

precadoría, precaduría , nf: precatoria, pregadoria, pregaroria, preicadoria Definitzione su foedhare chi si faet cun Deus o is Santos po dhos laudare, arrengratziare e pedire calecuna cosa; su istare a meda, a tantas bortas, naendho a unu chi fatzat o getzat calecuna cosa Sinònimos e contràrios arresa, orascione, pregaria / preconzu / cdh. pricaduria, ttrs. prigaduria Frases za la faghet sa cosa, ma totu a pregadorias! ◊ sas precadurias issoro sunt istadas ascurtadas ◊ chelu e terra parent in cuss'ora impare unidos in pregadoria ◊ ndi at bófiu, de pregadorias, cussu piciocu, po benni a innòi!… Ètimu srd. Tradutziones Frantzesu prière Ingresu prayer Ispagnolu oración, rezo, ruego Italianu preghièra Tedescu Gebet.

pregaría , nf: pregheria Sinònimos e contràrios arresa, precadoria Ètimu itl. pregheria Tradutziones Frantzesu supplique Ingresu plea Ispagnolu oración, súplica, ruego Italianu sùpplica Tedescu Flehen.

«« Torra a chircare