Ditzionàriu in línia
de sa limba e de sa cultura sarda

bajulaméntu , nm Sinònimos e contràrios agguantu, apaidhu, bajuladura, bàjulu Ètimu srd. Tradutziones Frantzesu patience Ingresu endurance Ispagnolu paciencia, aguante Italianu sopportazióne Tedescu Ertragen.

bàjulu , nm: bàzulu Sinònimos e contràrios agguantu, assuérgiu, bajulamentu Frases cust'ómine no at bàjulu perunu! Ètimu srd. Tradutziones Frantzesu patience Ingresu patience Ispagnolu paciencia, aguante Italianu sopportazióne Tedescu Etragen.

pascénscia , nf: pascéscia, pasciénscia, passénsia, passéntzia, passéssia, passiéncia, pascénscia, passiénsia, passiéntzia, patzéntzia Definitzione capacidade de padire istrobbu, ifadu, pelea, impreos e àteru; acunnortu chi si giaet a is parentes custrintos de unu mortu; piscadore chi ponent a remare in sa pisca a sciàiga / pasciénscia de frommija = passéssia manna Sinònimos e contràrios agguantu Frases ti parent custos sos momentos de segare sa pascéscia in domo anzena?! ◊ leàdela cun passéntzia! ◊ passiéncia: torra a cumenciai!◊ teni passiéntzia poita no nci at nudha de fai! 2. sa zente at donau is passéntzias a is parentis de su mortu Sambenados e Provèrbios prb: ge no ti ant a fai santu po sa passiéncia! Ètimu spn. Tradutziones Frantzesu patience Ingresu endurance Ispagnolu paciencia Italianu paziènza Tedescu Geduld.