Ditzionàriu in línia
de sa limba e de sa cultura sarda

bruncàbi, bruncàle, bruncàli , nm Definitzione sa parte de ananti de un'iscarpa, sa chi ammontat su pei a sa parte de sa punta; fintzes incropada o lobu de fune in su bruncu de un'animale po dhu ingòllere Sinònimos e contràrios fruncale, impena, mascarinu, runcale, tígia / brunchile Ètimu srd. Tradutziones Frantzesu empeigne Ingresu vamp Ispagnolu empella, pala Italianu tomàio Tedescu Oberleder.

impèna, impènna , nf: impinna Definitzione s'ala de ananti de un'iscarpa, sa chi ammontat su pei Sinònimos e contràrios bruncale, mascarina, runcale, tígia Frases a is botas dhis at postu is impenas noas Ètimu ctl. empena Tradutziones Frantzesu empeigne Ingresu vamp Ispagnolu empella, pala Italianu tomàio Tedescu Oberleder.

pàbia , nf: paja 2, pàila, pala 1, pàlia Definitzione aina lada a punta e pagu pagu ingobbedhada coment'e a cullera, a màniga longa de pigare a duas manos, po pigare cosa mescamente a umpridura / min. palichedha, palita / genias de p.: de còghere, de inforrai = paja de forru, genia de pala manna de linna (de diferente forma, tundha o longa ovale segundhu su pane), a màniga longa meda po che betare su pane cruo a su forru, lada in paris deunudotu; pàlia de isciorrai = pala de ferru, prus pitica meda, adata a furriare o mòvere su pane (de fresa) coendho in su forru de domo e a ndhe dhu bogare cotu; p. de bentulai = pàlia de argiola, pala de linna unu pagu fucuda po umprire trigu in s'argiola po dhu sighire a illimpiare; pàbia mecànica (autopala) = màchina fata de si pòdere ispostare in su logu e fàere fortza, cun sa parte de ananti a bisura de istrégiu po umprire materiale ispinghendho e artzare in artu e carrigare a càmiu o betare in àteru tretu Frases fàghere unu triballu a picu e a pala ◊ cun sa pala de infurrare si che achedhat su pane in su furru ◊ si un’orixedha mi aturat, mi binti su picu e sa pàbia Terminologia iscientìfica ans Ètimu ltn. pala Tradutziones Frantzesu pelle Ingresu shovel Ispagnolu pala Italianu pala, badile Tedescu Schaufel.

palichèdha , nf: palighedha Definitzione min. de pala 1: pala pitica, aina po umprire terra, giarra, àliga e àteru Tradutziones Frantzesu petite pelle Ingresu small shovel Ispagnolu pala, paleta Italianu palétta Tedescu Schippchen.

runcàle , nm Definitzione sa parte de ananti de un'iscarpa, sa chi ammontat su pei a sa parte de is pódhighes; in is cartzas (de su costumu), sa parte de ananti chi ammontat s'iscarpa Sinònimos e contràrios bruncale, fruncale, impena, mascarina, tígia, truncali / cdh. runcali Ètimu srd. Tradutziones Frantzesu empeigne Ingresu vamp Ispagnolu empella, pala Italianu tomàio Tedescu Oberleder.