Ditzionàriu in línia
de sa limba e de sa cultura sarda

butériga , nf Definitzione su marcu chi lassat in sa carre su grumigiolu; nau in cobertantza, manera de arrespòndhere o de fàere chentza passiéntzia nudha, arrennegaos / cara de b. = (nadu a unu, a una) légiu Sinònimos e contràrios isgabbu / acidúmini, acriore, acriúria, agrura Frases gighiat su dossu bàrriu de butérigas 2. ello no cherzo própiu a tie, cara de butériga!… Ètimu itl. bùttero Tradutziones Frantzesu abcès Ingresu wrathfulness, angriness Ispagnolu postema, pupa Italianu postèma, irosità Tedescu Geschwür, Reizbarkeit.

postèma , nf: pustema Definitzione ufradura chi si faet in matéria, fintzes singiale chi abbarrat de unu male, coment'e marcu chi no ndhe andhat prus; a logos dhu narant po dificurtade a digirire, de papare chi ponet in s'istògomo / p. fata = bénnida in maltza, in matéria Sinònimos e contràrios fruschedha, fustema 2. male est intrau e pejus si nch'est issiu, s'annu, ponendhe postema de dolore in s'istòmacu de sa zente ◊ sa franca de s'astore at postu postema a chie at tocadu! 3. sa postema ponet tema Tradutziones Frantzesu abcès Ingresu abscess Ispagnolu postema, absceso Italianu ascèsso Tedescu Abszeß.