Legenda Incurtzaduras | Legenda Sìmbulos

amméntu , nm Definitzione su ammentare, su arregodare, sa capacidade de arregodare; sa cosa chi si arregodat; sa missa de su mese po sa bonànima de s’ispaciau / èssere de bonu a., de malu a. = de bona, de mala memória, arregordai meda, pagu Sinònimos e contràrios arragodu / arretentiva Frases compidade sos nuraghes, umbe s'ammentu est imprejonadu ◊ ammentos bellos de sa pitzinnia mi torrades a sa mente (G.Manca)◊ subra s'ala de s'ammentu lassa chi bolet s'ànima (A.Casula)◊ no mi ndhe ant lassadu mancu pro un'ammentu ◊ che fiama est s'ammentu de babbu e mama (A.Loy)◊ si de me no as ammentu, de te no mi apo a ammentare! Ètimu srd. Tradutziones Frantzesu souvenir Ingresu remembrance Ispagnolu recuerdo Italianu ricòrdo Tedescu Erinnerung.

arragódu , nm: arregodu, arregordu, arregoru, arrigordu, regodu Definitzione su ammentare; sa cosa passada chi si arregodat, chi abbarrat in sa mente; cosa chi si giaet po donu; fintzes pentzamentu, arreolu, idea de fàere calecuna cosa / no tènniri arregodu = andhare a su cumandhu e istentare a tropu, fintzas irmentigare sa promissa fata e pro cussu èssere de paga fide Sinònimos e contràrios ammentu, arregordàntzia, subenimentu / apinnicu, pedine, pensamentu | ctr. ilméntigu, scarescimentu Maneras de nàrrere csn: V.Pisanu Frases pítziat s'arregordu de is cumpàngius iscutulaus a terra de custu carru chi eus tirau de sempri (V.Pisanu)◊ a arregordu miu fiat diaici ◊ candu partis sordau teni arregordu de mei! ◊ gei tenis arregoru ca su dotori ti at nau de bufai su binu acuau!… 2. seu arrenneghendi cun Giuanni ca nci essit e no tenit arrigordu de ndi torrai Ètimu srd. Tradutziones Frantzesu souvenir Ingresu remembrance Ispagnolu recuerdo Italianu ricòrdo Tedescu Erinnerung.

avrinzàda , nf Definitzione genia de idea, de cosa chi si arregodat cun dificurtade, pagu / bènnere s'a. = fai un'acucada, bènnere carchi idea macota Sinònimos e contràrios bijione Frases no mi l'ammento bene: ndhe apo coment'e un'avrinzada 2. li est bénnida s'avrinzada Tradutziones Frantzesu souvenir fugace Ingresu fleeting memory Ispagnolu recuerdo lejano Italianu pàllida idèa, ricòrdo sfuggévole Tedescu blasse Ahnung, flüchtige Erinnerung.

«« Torra a chircare