Legenda Incurtzaduras | Legenda Sìmbulos

campanédhu , nm Definitzione genia de imbentu chi sonat a elétricu, prus che àteru in is domos a su postu de tocare in sa porta a cropighedhos Frases so tochedhandhe chin sa nuchedha de sos pódhiches ca est su campanedhu guastu Tradutziones Frantzesu sonnette Ingresu doorbell Ispagnolu timbre Italianu campanèllo Tedescu Klingel.

spitiolài , vrb Definitzione sonare su pitiolu, sa sonàgia Sinònimos e contràrios pitiolai Frases is tallus spitiolant beulendi in is tancas ◊ seu spitiolendi is crais Ètimu srd. Tradutziones Frantzesu carillonner Ingresu to ring long and loudly Ispagnolu tocar fuerte el timbre Italianu scampanellare Tedescu lang und heftig läuten.

tímbru , nm: trimbu Definitzione genia de marca chi ponendhodha unu pagu a incradura lassat in paperi o àteru s'iscritura chi portat, prus che àteru coment'e indítziu o singiale de un'ufíciu, de un'autoridade: si narat de sa síngia etotu chi lassat; foedhandho de is sonos, de sa boghe, su chi distinghet s'unu de s'àteru duos sonos oguales de fortza e artària po s'aina chi dhu faet (o po sa persona chi foedhat o cantat)/ betare su t. = lassare unu bellu sinnale, meda Sinònimos e contràrios marca 1 / tinnu 1 Frases sa mesa de iscríere fit manna e prana, pariat una tanca, chin fasches de lapis, de pinnas e de trimbos ◊ sa dimanna pro sos contribbutos fit pronta, chin marcas, trimbos e firmas 2. unu "do" sonadu a chiterra tenet unu trimbu diferente de unu "do" sonadu a trumba Ètimu itl. Tradutziones Frantzesu timbre Ingresu stamp Ispagnolu timbre Italianu timbro Tedescu Stempel.

«« Torra a chircare