Legenda Incurtzaduras | Legenda Sìmbulos

bacamúndhu , agt, nm: bagabbundu, bagamundhu, bagamundu Definitzione chi o chie istat in giru chentza cumbinare nudha, irfainadu, andhandho de unu logu a s'àteru Sinònimos e contràrios bagamundheri, bandhuleri, vagabbunneri / andariegu, corruntoneri, currijolu, currillanu, garroneri, istrusciante, orrunderi, peldulàriu, rundhajolu, rundhellu, tzincavesu, zirellu | ctr. remonidu Frases est unu bagabbundu e invecis de andai a iscola ci essit cun is cumpàngius Terminologia iscientìfica ntl Tradutziones Frantzesu vagabond Ingresu vagabond Ispagnolu vagabundo Italianu vagabóndo Tedescu herumziehend, Landstreicher.

bandhuléri , agt, nm: bandulleri Definitzione chi o chie istat andhandho, sèmpere in giru, ammandronau, chentza fàere faina Sinònimos e contràrios arreulau, arroliadori, bagamundheri, praitzosu / andariegu, bacamundhu, corruntoneri, currillanu, garroneri, orrunderi, peldulàriu, rundhellu, zirellu / bandhidore | ctr. remonidu Frases bandulleri ischivu, e innui fiast?! ◊ vivas sempre che cane bandhuleri e no apas una pedra pro ti sere! ◊ cussu est istadu annos meda bandhuleri Ètimu ctl. bandoler Tradutziones Frantzesu vagabond, fainéant Ingresu vagabond Ispagnolu vagabundo Italianu vagabóndo Tedescu herumziehend, Landstreicher.

garronéri , agt, nm Definitzione chi o chie istat peri is garronadas, in giru, faendho nudha: nau de fémina, chi no tenet tanti fama bona Sinònimos e contràrios andariegu, bacamundhu, bandhuleri, corruntoneri, currijolu, currillanu, inghiriaidhas, istrusciante, orrunderi, peldulàriu, rundhajolu, rundhellu, zirellu Terminologia iscientìfica ntl Ètimu srd. Tradutziones Frantzesu vagabond Ingresu vagabond Ispagnolu vagabundo Italianu vagabóndo Tedescu herumziehend, Herumtreiber, Vagabund, Landstreicher, Stromer.

isvelàdu , agt Definitzione chi andhat irbelibeli, de unu logu a s'àteru, chentza cabu, chi no faet abbitu firmu in perunu logu Sinònimos e contràrios andariegu, atrafinaditu, bacamundhu, corruntoneri, garroneri, peldulàriu, rundhajolu, rundhellu, zirellu Tradutziones Frantzesu vagabond Ingresu vagrant Ispagnolu vagabundo Italianu giròvago Tedescu umherschweifend.

pirastràju , agt: pirastrari, pirastràriu Definitzione chi andhat macu po su pirastu, istat cricandho pirasru, ma nau sèmpere in cobertantza po bagamundhu, chi istat sèmpere in giru Sinònimos e contràrios bandhuleri Frases istat continu fatu a mie che cane pirastràriu ◊ brutu cane pirastraju: àscia de raju chi ndhe isperdat sa zenia! Ètimu srd. Tradutziones Frantzesu errant, fainéant Ingresu wanderer, loafer Ispagnolu callejero, vagabundo, descarriado, holgazán Italianu randàgio, fannullóne Tedescu streunend, Nichtstuer.

«« Torra a chircare