alàru , nm: araru, laru Definitzione lau eru, genia de linna chi faet a mata fintzes manna: bogat una birilledha o pibionedhu tundhu chi candho coet si faet niedhu, sa fògia est fragosa e s'impreat in coghina mescamente cun pische, e s'impreat fintzes po cura Sinònimos e contràrios laberi, labru*, làtiu, lau, loru 1 Terminologia iscientìfica mtm, rbc, Laurus nobilis Tradutziones Frantzesu laurier Ingresu laurel Ispagnolu laurel Italianu allòro Tedescu Lorbeerbaum.

làbru , nm: làure, làuru 1, lavru Definitzione lau veru, genia de linna chi faet a mata fintzes manna: bogat unu pibionedhu chi candho est cotu si faet niedhu, sa fògia est fragosa e s'impreat in is papares mescamente cun pische, ma s'impreat fintzes po cura Sinònimos e contràrios alaru, làtiu, lau, loru 1 Frases no fis in chirca de labru e ne de grória ◊ pone fozas de làuru a sa petza ca dha faet prus saboria! Terminologia iscientìfica mtm, rbc, Laurus nobilis Ètimu ltn. laurus Tradutziones Frantzesu laurier Ingresu laurel Ispagnolu laurel Italianu allòro Tedescu Lorbeer.

«« Torra a chircare