Ditzionàriu in línia
de sa limba e de sa cultura sarda

àghimu , nm: àmiche, àmighe, àmigu Definitzione su gancitu de su fusu de filare; s'amu po piscare Sinònimos e contràrios ampile, amu, gamu, gantzitu Terminologia iscientìfica ans Ètimu ltn. hamicus Tradutziones Frantzesu hameçon Ingresu hook (fish) Ispagnolu anzuelo Italianu amo Tedescu Angelhaken, Fischangel.

gàmu , nm Definitzione genia de cancarrone o gànciu pitichedhu po piscare fatu a manera de intrare in buca de su pische ma chi no ndhe potzat essire / parai is gamus = betare sos amos; erba de gamu = Astragalus hamosus (faet sa tega chi paret unu gànciu, acancarronada) Sinònimos e contràrios àghimu, amu*, gànciu Frases seu essiu a chitzi cun is istrepus po sa pisca: canna, lentza, prumu, gamus e sa tremulígia frisca ◊ cancuna borta, o mari, a su piscadori dhi fais perdi pisci, arretza e gamu 2. passamu su noti piegau che gamu, acarraxau cun d-una burrixedha Terminologia iscientìfica ans Tradutziones Frantzesu hameçon Ingresu hook (fish) Ispagnolu anzuelo Italianu amo Tedescu Angelhaken.