Legenda Incurtzaduras | Legenda Sìmbulos

bàldu 1 , nm: bardu Definitzione genia de erba ispinosa, de tantas calidades, medas bonas a papare, totu ispinosas / is partis de su cardu: sa soca, is pillonis, sa cima, is follas, sa conca o cranciofa, sa lanixedha de su frore; calidades de bardu: angioninu (Lupsia galactites), cabidhu (Carlina gummifera), candhela (Lirsium scabrum), capidhu (Scolymus maculatus), de anzone, matzone (Eryngium campestre), ispinosu (Carduus nutans), niedhu (Onopordum illyricum); baldu pianu = masedu, chentza ispina; onzi mata de bardu mi paret Nenardu = onzi mínima paràula o tzinnu paret befe e mineta, comente pessat unu afartadu pro carchi cosa Sinònimos e contràrios cadru* Frases sas trempas de sa ferrovia fint de bardu Terminologia iscientìfica rba, Carduus, Carlina e àteros Tradutziones Frantzesu cardon Ingresu thistle Ispagnolu cardo Italianu cardo Tedescu Distel.

billóteri, billóti, billótiri , nm Definitzione genia de cardu areste: cima de pastori, uscradinu de porcu, canna de billoti, canna de morai, de amorai Sinònimos e contràrios ariedha 1, cannagúrpina, stiòcore, treutzaxa Terminologia iscientìfica rba, Dipsacus fullonum Tradutziones Frantzesu cardère, chardon à foulon Ingresu teasel Ispagnolu cardencha Italianu cardo dei lanaióli Tedescu Weberdistel, Weberkarde.

cadalàva , nf Definitzione ispina molentina, ispina cixiredha o de caràtua: genia de cardu chi faet coment'e una cranciofedha cun ses o sete ispinas apertas a istella Sinònimos e contràrios cadàtola, castiaia, cixiredhu, colustídhiu, iscradinaia, istrainabias Terminologia iscientìfica rba, Centaurea calcitrapa Tradutziones Frantzesu chardon Ingresu caltrop Ispagnolu cardo estrellado Italianu cardo stellato Tedescu Flockenblume.

càdru , nm: cardu, gardu Definitzione una genia de erba areste, de tantas calidades ma sèmpere ispinosas, medas bonas a papare; calecuna calidade dha prantant in ortu Sinònimos e contràrios baldu 1 / caltzofa Maneras de nàrrere csn: c. acotzau = cracangiolu, biancu nidu e modhe, fatu carrarzadu de terra (nadu in suspu de unu, chi est biancu in cara, malàidu); dogna fundu de cardu parit Bernardu = o est babbu o est cerda de palla Sambenados e Provèrbios smb: Cardu, Cardus Terminologia iscientìfica rba Ètimu ltn. carduus Tradutziones Frantzesu chardon Ingresu thistle Ispagnolu cardo Italianu cardo Tedescu Distel.

cannagúrpina , nf: cannaúrpina Definitzione genia de cardu areste: cima de pastori, uscradinu de porcu, canna de billoti, canna de morai, de amorai Sinònimos e contràrios ariedha 1, billóteri, stiòcore, treutzaxa Terminologia iscientìfica rba, Dipsacus fullonum Ètimu srd. Tradutziones Frantzesu cardère, chardon à foulon Ingresu teasel Ispagnolu cardencha Italianu cardo dei lanaiòli Tedescu Hiertenstab.

cardudúfu, cardudúva, cardudúvu , nm Definitzione àtera calidade de cardu chi narant puru gardu iloche, cardu túvuru, cima de cardu, gardu de corte, a fògias mannas ingespiadas de biancu: faet meda in is cuiles e mescamente su cambu, grussu e tuvudu, est bonu a papare ispuligau Sinònimos e contràrios cardubbiancu 2, carduduvudu, cardusantu Terminologia iscientìfica rba, Silybum marianum Ètimu srd. Tradutziones Frantzesu chardon-Marie Ingresu milk-thistle Ispagnolu cardo mariano, cardo lechal Italianu cardo macchiato Tedescu Mariendistel.

cardusàntu , nm Definitzione àtera calidade de cardu chi narant puru gardu iloche, cardu túvuru, cima de cardu, gardu de corte, gardu tudu, cardu vachile, a fògias mannas ingespiadas de biancu: faet meda in is cuiles e mescamente su cambu, grussu e tuvudu, est bonu a papare ispuligau Sinònimos e contràrios cardubbiancu 2, cardudufu, carduduvudu Terminologia iscientìfica rba, Silybum marianum Ètimu srd. Tradutziones Frantzesu chardon-Marie Ingresu milk-thistle Ispagnolu cardo mariano, cardo lechal Italianu cardo macchiato Tedescu Mariendistel.

colustídhiu , nm, nf: corastidha, corastidhu, coristidhu, corostidha Definitzione ispina molentina, ispina cixiredha o de caràtua, genia de erba chi faet una cranciofedha cun ses o sete ispinas apertas a istella chi dha faent assimbigiare a una genia de cardu Sinònimos e contràrios cadalava, cadàtola, cixiredhu, istrainabias Frases immoi no seus fuedhendu ni de cobiscu, ni de prunixedha e ni de corastidha Terminologia iscientìfica rba, Centaurea calcitrapa Ètimu srd. Tradutziones Frantzesu chardon étoilé Ingresu caltrop Ispagnolu cardo estrellado Italianu cardo stellato Tedescu Wiesenflockenblume.

istrainabías , nm: istrasinabias, istrasinaia, istrisinabias, istrisinaia Definitzione cardu istratu, ispina de caràtua o molentina, genia de erba chi faet una cranciofedha cun ses o sete ispinas apertas a istella chi dha faent assimbigiare a una genia de cardu Sinònimos e contràrios cadalava, cadàtola, colustídhiu, istratinavias Frases bio su diauledhu chin su gardu istrainabias in buca Terminologia iscientìfica rba, Centaurea calcitrapa Ètimu srd. Tradutziones Frantzesu bleuet Ingresu cornflower Ispagnolu calcítrapa, cardo estrellado Italianu fiordaliso o cardo stellato Tedescu Kornblume.

«« Torra a chircare