Legenda Incurtzaduras | Legenda Sìmbulos

brunchíle , nm: bruncile, bruncili Definitzione incropada o lobu de fune in su bruncu (a pitzu de su nasu) betau a un'animale (àinu, cuadhu) po dhu poderare e ghiare Sinònimos e contràrios cabitza, cavessa, crabistu, doga 1, dogale, froncile, murrabi, runchile / cdh. brunchili, ttrs. brunchiri Frases essiat gai dae su cortile semper imperriau su molente, ma apenas bidiat su pendhente bizarru diventabat su parile: inútile a tirare su brunchile! Ètimu srd. Tradutziones Frantzesu licou, licol Ingresu halter Ispagnolu cabestro Italianu cavézza Tedescu Halfter.

cabussòni 1 , nm Definitzione genia de lobu betau a sa lavra de su cuadhu po dhu poderare firmu Sinònimos e contràrios cariasa 1, carighinu, cugurra 1 Terminologia iscientìfica ans Tradutziones Frantzesu tord-nez Ingresu barnacles Ispagnolu acial, badal Italianu torcinaso, cavézza del diàvolo Tedescu Maulknebel.

crabístu , nm: crapistu Definitzione genia de murrale po pigare s'animale (àinu, cuadhu) a fune a tira / giúghere a crabistu e a isprone a unu = pigaidhu a funi, coment'e unu molenti de dhi depi nàrriri totu Sinònimos e contràrios brunchile, cabitza, cavessa, doga 1, dogale, murrabi / cdh. capristu Frases ponide a sos puntíglios su crabistu pro ch'in paghe torredes! ◊ a funi e a crabistu ti pòngiant! ◊ dh'eus postu su crabistu, a su muentedhu nostu puru, e dh'eus portau a curri Ètimu ltn. capistrum Tradutziones Frantzesu licou Ingresu halter Ispagnolu cabestro Italianu cavézza Tedescu Zaum.

murràbi , nm: murrale, murrali, murriale Definitzione inghiriada o lobu de fune a murros po pigare a tira un'animale (àinu, cuadhu); ispétzia de crabistu chi si ponet a is canes bestiu in murros po no mossigare Sinònimos e contràrios brunchile, cabitza, cavessa, crabistu, doga 1, dogale, musale, musone / musarola Frases no mi ant a ponni mancu su murrali issus, no! ◊ bollu curri in is montis e in is ceas, sena de bendas, ne murralis ne trobeas ◊ gighet s'àinu sempre a camu e a murrale Sambenados e Provèrbios smb: Murrali Ètimu srd. Tradutziones Frantzesu licou, licol, bride, muserolle Ingresu halter Ispagnolu cabestro Italianu cavézza Tedescu Halfter.

«« Torra a chircare