Legenda Incurtzaduras | Legenda Sìmbulos

abbramidúra , nf Definitzione manera de fàere de chie acostumat a bòllere totu issu, disígiu mannu Sinònimos e contràrios allurpidura, araone Ètimu srd. Tradutziones Frantzesu gloutonnerie Ingresu greediness Ispagnolu codicia Italianu ingordígia Tedescu Gefräßigkeit.

allimbràre , vrb Definitzione papare cun asuria Sinònimos e contràrios lambrire, irrujonare, istruntzonare Ètimu srd. Tradutziones Frantzesu manger comme un goinfre Ingresu to eat greedily Ispagnolu comer con avidez, a dos carrillos Italianu mangiare con ingordìgia Tedescu gierig essen.

allurpidúra , nf Definitzione su èssere allurpios, tzatzagones / papai cun a. = a s'airada, ingullindhe chentza mancu mastigare bene Sinònimos e contràrios allurpimentu, araone, asuréntzia, ingorrosia, inguglioneria, inguglionia Ètimu srd. Tradutziones Frantzesu gloutonnerie Ingresu greediness Ispagnolu voracidad Italianu ingordìgia Tedescu Gefräßigkeit.

asuría , nf Definitzione sa maladia o vítziu de no lassare nudha a s'àteru, de bòllere totugantu, gana manna de àere o de papare cosa meda / a. de dinai, de papai Sinònimos e contràrios abudesa, agudéntzia, allimimentu, allurpidura, arràngulu, assurimentu, asuréntzia, aulimentu, ingorrosia, iscórporu, isuria, limiore, soria | ctr. bonugoro Frases s'asuria de pagus est destruendi sa richesa de totus ◊ fiat una bagadia arrica e asuria chi no fiat a dhu nai ◊ apo bidu su demóniu de su male, su demóniu de s’asuria (N.Falconi)◊ de s’esistentza umana est su difetu s’asuria, sa palla e prepoténtzia (E.Masili) Ètimu srd. Tradutziones Frantzesu avidité, goinfrerie Ingresu greediness Ispagnolu avidez Italianu ingordìgia Tedescu Gefräßigkeit.

inguglionería , nf Definitzione su èssere ingugliones, disígiu malammodidu, esagerau, de bòllere fintzes s'angenu Sinònimos e contràrios allimimentu, allurpidura, bentrania, ingorrosia, inguglionia, ingurdímine, ingurtonéntzia, iscórporu, lambridura, pasteréntzia Frases in su logu brutu bi paschet sa musca cun inguglioneria ◊ s'inguglioneria de s'ómine atzecadu est unu mare chi no si pienat mai Tradutziones Frantzesu gloutonnerie Ingresu greed Ispagnolu glotonería Italianu ingordìgia Tedescu Gefräßigkeit.

ingurdonería , nf Definitzione su èssere ingurdones, su bòllere totugantu, meda, de prus Sinònimos e contràrios aggantzadura, allimimentu, asurímini, ingorrosia, iscórporu, limiore, migragna, susuncúmini Frases cun s'ingurdoneria de àere sempre de piús s'ómine si est ponzendhe sas gangas dai perisse etotu Ètimu srd. Tradutziones Frantzesu avidité Ingresu meanness, greediness Ispagnolu glotonería, avidez Italianu grettézza, ingordìgia Tedescu Knauserigkeit, Gefräßigkeit.

irrujonàre , vrb Definitzione papare a orrugos mannos comente faet unu allurpiu, un'ingurtone Sinònimos e contràrios allimbrare, lambrire Ètimu srd. Tradutziones Frantzesu manger comme un goinfre Ingresu to eat greedily Ispagnolu engullir Italianu mangiare con ingordìgia Tedescu verschlingen.

lambridúra , nf Definitzione su èssere lambridos Sinònimos e contràrios bentrania, ingorrosia, inguglionia, ingurtionia Frases sa lambridura lu giughet a su fossu primmu de s'ora ◊ est manighendhe a pianu, chena lambridura Ètimu srd. Tradutziones Frantzesu gloutonnerie, goinfrerie Ingresu greediness Ispagnolu voracidad, avidez Italianu ingordìgia Tedescu Gier, Gierigkeit.

lambríre , vrb Definitzione papare a s'airada Sinònimos e contràrios allimbrare, irrujonare, limbrire Ètimu ltn. lambere Tradutziones Frantzesu manger comme un goinfre Ingresu to eat greedily Ispagnolu engullir Italianu mangiare con ingordìgia Tedescu verschlingen.

«« Torra a chircare