Ditzionàriu in línia
de sa limba e de sa cultura sarda

bauladòri , agt Definitzione nau de cane, chi istat sèmpere apedhandho; nau de gente, chi istat naendho male de s'unu e de s'àteru Sinònimos e contràrios limbilongu, limbudu, slinguau Terminologia iscientìfica ntl Ètimu srd. Tradutziones Frantzesu médisant, mauvaise langue Ingresu slanderous Ispagnolu ladrador, maldiciente Italianu maldicènte Tedescu klatschhaft, lästerlich.

sciaméri , agt, nm Definitzione chi o chie bogat fogu a s'àteru, ndhe narat male a innóriu Sinònimos e contràrios arrebbocadu, fogaresu, sciamadori, sfamadori Frases sa curpa est sa tua, língua sciamera, ca is fuedhus pagu dhus iast pensaus! (P.Melas) Ètimu srd. Tradutziones Frantzesu diffamateur Ingresu defamer Ispagnolu difamador Italianu maldicènte, detrattóre Tedescu Verleumder.

slinguàu , pps, agt Definitzione de slinguai; chi o chie foedhat de s'àteru naendhondhe male chentza arrexone, foedhandho a brétiu e po dhi bòllere male Sinònimos e contràrios bauladori, limbilongu, limbudu, linguau, sciameri Tradutziones Frantzesu médisant Ingresu slanderous Ispagnolu criticón Italianu maldicènte Tedescu lästerlich.