Ditzionàriu in línia
de sa limba e de sa cultura sarda

aredéu , nm: arereu, areu, eredeu* Definitzione totu is parentes de una matessi famíglia Sinònimos e contràrios arénsia, aretóriu, arràcia, arrampile, arrépula, condomadu, eréscia, iscrípia, istripa, istripile, prutzénia Frases cussu est de aredeu de genti maca ◊ si peset sa zente nostra che unu solu areu! (A.Casula)◊ isse nascheit s'últimu in s'areu ◊ de cussu aredeu no nci ndi at prus me in bidha Tradutziones Frantzesu famille, souche Ingresu family name Ispagnolu parentela Italianu casato, parentado Tedescu Geschlecht.

parentàlla , nf, nm: parentaza, parentazu Definitzione is parentes, muntone de parentes (a bortas nau unu pagu cun ifadu) Sinònimos e contràrios parentadu, parentella Frases s'isposa si est posta in biaxi cun su babbu, sa mamma e totu sa parentalla ◊ tzia Fannia no teniat fillus e nimmancu parentalla ca fiat istràngia Ètimu srd. Tradutziones Frantzesu parenté Ingresu relations Ispagnolu parentesco, parientes Italianu parentado Tedescu Verwandten.

parentèlla , nf Definitzione su èssere parentes; is parentes Sinònimos e contràrios aredeu, condomadu, parentalla, parentígiu Frases ponent a parte sa parentella e pensant a issos ebbia ◊ cussa picioca at sighiu sa ghia de tota sa parentella ◊ sos mortos fachent galu parte de sas famíglias e de sas parentellas Ètimu itl. Tradutziones Frantzesu parenté Ingresu relatives Ispagnolu parientes, parentesco Italianu parentado, parentèla Tedescu Verwandten, Verwandschaft.