pefessiòne , nf: pelfessione, perfetzione, perfetzioni Definitzione su èssere perfetu, su no tènnere pecu e ne neghe, ne mendhea e ne vítziu perunu, su èssere bene finiu, su tènnere dónnia donu e capacidade de no dhi mancare nudha de bonu e de calidades bonas Frases nois precamus fintzas pro sa perfetzione vostra ◊ comente ses bellu ses sa perfetzione de su Sennore! ◊ s'arti, is ideas e is símbulus faint a biri una cultura sarda chi de is caràteris comunus arrennescit a bogai unu càrrigu de identidadi chi si podit nai portau a sa perfetzioni (G.Lilliu) Tradutziones Frantzesu perfection Ingresu perfection Ispagnolu perfección Italianu perfezióne Tedescu Perfektion.

premòre , nm: primore, primori Definitzione cosa o calidade de is méngius, perfeta Sinònimos e contràrios ispremore Maneras de nàrrere csn: a premore = de sa menzus manera, de sa menzus calidade; èssere unu p. = su menzus de totu Frases tue ses circundhada de primore ◊ Bustianu est unu primore (G.Ruju)◊ axiu tenit de circai su primori! 2. ocannu su laore est a primore: chi sighit gasi si erricheus ◊ custa giacheta l'istat a premore ◊ det piòere a premore s'abba cun dultze carignu ◊ no si agatant pintore ne pinzellu chi asie ndhe pintent a primore ◊ como ca bi at manuza sa cosa la faghet a primore ◊ fémina, tue ses sa calamida chi atraes sos sentidos a primore ◊ teniat una loba de tentorzos a primore Ètimu spn. primor Tradutziones Frantzesu valeur, qualité, perfection Ingresu regard, perfection, better Ispagnolu cualidad, perfección, mejor Italianu prègio, perfezióne, eccellènza, miglióre Tedescu Vorzug, Vollkommenheit, Perfektion, Beste.

«« Torra a chircare