Ditzionàriu in línia
de sa limba e de sa cultura sarda

arrosàriu , nm: orrosàriu, rojaru Definitzione genia de pregadoria a chimbe postas o pasias de avemmarias, babbonnostros e glórias; lobu de pibionedhos piticos intraos a filera e ispartzios in chimbe postas, cun su santugristos, po nàrrere sa pregadoria / ispibionai s’a. = nàrrere o rasare su rosàriu Sinònimos e contràrios arroseri, corona Frases oi no apu nau una posta de s'arrosàriu! ◊ gei ndi ap'ai ispibionau cuatru de arrosàrius po cussa piciochedha!…◊ issa si setziat e naràt s'arrosàriu de cuíndixi postas Tradutziones Frantzesu chapelet Ingresu rosary Ispagnolu rosario Italianu rosàrio Tedescu Rosenkranz.

padennòste , nm: parinostu, pedrinostu, perdinnosti, pradennostre, prainnoste Definitzione donniunu de is granos de una corona, de una cannaca / collana de prainnostes = zenia de prendha de coradhu Sinònimos e contràrios babbunostru / aelmaria / nàcaru Frases is didus allisant is parinostus, arrosariendi ◊ est unu pedrinostedhu pitiu pitiu ◊ essiat contendhe sos perdinnostis annoischidhados cun filu istramanadu ◊ minuda, ocannu, s'olia: paret pradennostres! Ètimu itl. padrenostro Tradutziones Frantzesu grain du chapelet Ingresu rosary bead Ispagnolu cuenta, grano Italianu grano del rosàrio Tedescu Rosenkranzperle.