bolàntigu , agt: bolàticu, volàticu Definitzione nau de cosa chi no est firma, chi movet, chi est istacada (sugeta a bolare, a che dha leare su bentu), pagu segura; fintzes chi podet capitare, a bortas, o chi est a sola, chi dhue ndh'at o si ndhe agatat calecuna sola; nau de unu, chi càmbiat muta, umore de unu mamentu a s'àteru Sinònimos e contràrios abbentaditu, bolantizu / iscàbulu / foravia Maneras de nàrrere csn: raighina b. = arréxini chi essit in artu, me in su truncu o is nais de unas cantu matas; otadas bolàntigas = iscàbulas, chi no sunt parte de carchi cantone; bistiri bolàticu = largu, chi pigat bentu meda; a dies bolàntigas = a candu ei e a candu no Frases a bias mi biso dai artu falendhe cun su corpus bolàntigu e isortu ◊ cussos pabilos gai, bolàntigos, cherent collidos ca los perdimus 2. sas boltas bolàntigas chi li colaiat acurtzu si l'abbaidaiat cun ojos de ispera, a sa picioca ◊ tevimos fàghere dogni die su chi creimos e no a dies bolàntigas ◊ in cussas trempas bi aiat unu nuraghe bolàntigu Tradutziones Frantzesu volant, irrégulier Ingresu occasional, movable Ispagnolu volador, discontinuo Italianu volante, saltuàrio Tedescu beweglich, unregelmäßig.

foravía , avb Definitzione candho cumbinat, in manera diferente de sa costumada; fintzes foraidha Frases àteros trabagliedhos foravia los faghia si mi essiant (S.Patatu)◊ si fit acunnortadu a buscare àteru tribàgliu foravia, lighèndhesi a zente metzana (P.Fogarizzu)◊ custa cosa l'at buscada foravia 2. Bachiredhu non lu podet indúrghere chi su fizu est essidu foravia (G.Chessa) Tradutziones Frantzesu irrégulier Ingresu occasional Ispagnolu discontinuo Italianu saltuàrio Tedescu sprunghaft.

«« Torra a chircare