arrúsa , nf: rusa* Definitzione cosas chi si faent o si narant cricandho de trampare s’unu a s'àteru, iscusa po no adduire a su chi bolet s'àteru, po no fàere su dovere Sinònimos e contràrios astrúscia, malíscia, marfuseria, spedha, transa, trasseria / arraghèscia, códia, iscúgia, piginu Tradutziones Frantzesu habilité Ingresu cavil, cunning Ispagnolu maña, astucia Italianu scaltrézza, cavillo Tedescu Listigkeit, Spitzfindigkeit.

malíscia , nf: malissa, malíssia, malítzia Definitzione capacidade de pentzare in su malu (o fintzes in cosas chi podent pàrrere male), siat po dhu fàere e siat, mescamente, po si ndhe badrare / Predu Malíssia = pisedhu de sos contos, totu trassas, chi neune resessiat a leare in trampa Sinònimos e contràrios arrusa, astrúscia, bribantésima, cradànzula, marfuseria, trasseria / malesa Frases eo so unu puzone chi no tenet paragone in malíscia e in lestresa (P.Mossa)◊ su pitzinnu est comintzanne a intrare in malissa ◊ fit malintragnadu e de malíscia ndhe podiat bèndhere puru ◊ mischinu, cussu est fatu e lassau, no tenit malíssia nisciuna!◊ dèu tenia cuíndigi annus e fui chena malíssia Tradutziones Frantzesu malice, habileté, ruse Ingresu cunning Ispagnolu malicia Italianu malìzia, scaltrézza Tedescu Arg, Arglist.

rúsa , nf: arrusa Definitzione cosas chi si faent o si narant cricandho de trampare s'àteru, iscusa po no adduire a su chi bolet s'àteru, po no fàere su dovere Sinònimos e contràrios astrúscia, malíscia, marfuseria, spedha, transa / arraghèscia, códia, iscúgia Frases no boghes custas rusas, tantu no bi creo! ◊ s'ànima tene a postu, iscarta faltzu e rusa! ◊ cun trampas e rusas, de custa sorte iscantadu nos at sa sirena ◊ custas sunt rusas de malu pagadore! Ètimu itl.p rusa Tradutziones Frantzesu ruse, astuce Ingresu shrewdness, artifice Ispagnolu astucia, ardid Italianu astùzia, scaltrézza Tedescu Listigkeit, Pfiffigkeit.

«« Torra a chircare