Ditzionàriu in línia
de sa limba e de sa cultura sarda

abbilèsa , nf Definitzione su èssere àbbiles, su tènnere capacidades de fàere ccn. cosa Sinònimos e contràrios abbiléncia, abbilidade, capacidade, intiga | ctr. atzegúmini Frases sa cara sua s'allughiat de bonidade e de braga pro s'abbilesa de su ghéneru ◊ Giuanni depiat donai prova de custa fortza chi no teniat e insaras manigiàt s'abbilesa Ètimu srd. Tradutziones Frantzesu habileté, aptitude Ingresu capability, aptitude Ispagnolu habilidad, aptitud Italianu abilità, attitùdine Tedescu Geschickligkeit.

abbilidàde, abbilidàdi , nf Definitzione capacidade de fàere cosa, trebballu o àteru chi siat Sinònimos e contràrios abbiléncia, abbilesa, abbistesa, impita, intiga Frases po s’abbilidade de imparare e allegare una limba serbit sa grammàtica universale, ma peri s’esperiénsia limbística Ètimu spn. Tradutziones Frantzesu habileté Ingresu capability Ispagnolu habilidad Italianu abilità Tedescu Geschicklichkeit.

bravèsa , nf Definitzione capacidade de fàere bene meda sa cosa Sinònimos e contràrios abbiléncia, balentia, falentesa Tradutziones Frantzesu habileté Ingresu skill Ispagnolu habilidad Italianu bravura Tedescu Tüchtigkeit.

malíscia , nf: malissa, malíssia, malítzia Definitzione capacidade de pentzare in su malu (o fintzes in cosas chi podent pàrrere male), siat po dhu fàere e siat, mescamente, po si ndhe badrare / Predu Malíssia = pisedhu de sos contos, totu trassas, chi neune resessiat a leare in trampa Sinònimos e contràrios arrusa, astrúscia, bribantésima, cradànzula, marfuseria, trasseria / malesa Frases eo so unu puzone chi no tenet paragone in malíscia e in lestresa (P.Mossa)◊ su pitzinnu est comintzanne a intrare in malissa ◊ fit malintragnadu e de malíscia ndhe podiat bèndhere puru ◊ mischinu, cussu est fatu e lassau, no tenit malíssia nisciuna!◊ dèu tenia cuíndigi annus e fui chena malíssia Tradutziones Frantzesu malice, habileté, ruse Ingresu cunning Ispagnolu malicia Italianu malìzia, scaltrézza Tedescu Arg, Arglist.