Ditzionàriu in línia
de sa limba e de sa cultura sarda

curréntile, curréntili , agt Definitzione chi sucurret, nau prus che àteru de nodu chi no est acapiau de istare firmu, de no s'iscapiare, o fintzes de nodu sugetu a si istrínghere cantu prus si tirat Sinònimos e contràrios currente 1, cúrrinu, scurréntili | ctr. acugurrau 2. s'insalà tocat a dha sciacuari in s'abba curréntili Ètimu ltn. currente(m) Tradutziones Frantzesu coulant Ingresu flowing, running Ispagnolu corredizo Italianu scorrévole, scorsóio Tedescu fließend.

iscurridítu , agt Definitzione chi curret, iscurret, passat cun facilidade Sinònimos e contràrios curréntile / fuidissu Ètimu srd. Tradutziones Frantzesu coulant Ingresu flowing Ispagnolu corredizo Italianu scorrévole Tedescu fließend.