Ditzionàriu in línia
de sa limba e de sa cultura sarda

castagnàrza , nf, nm: castanàgliu, castanàrgiu, castanarju, castanarzu, castangiàrgiu, castannanzu, castannarju, castannarzu, castanzàlgiu, castanzarzu, castenàgliu, castennàgliu, castennalzu, castennàrgiu, castennarzu, catannàgiu, costennàrgiu Definitzione castannanzu mannu, iscoba màsciu, o màscina, e fintzes iscoba fémina: duas calidades de linna chi no faent tanti mannas, ma a cotzina grussa, bona po crabone e a fàere pipas, cun sa fògia pitichedhedha Sinònimos e contràrios cantentarzu, ghidhostra, idhostra, salina 1, salinavémina, sechintrese, túfera Frases rios e rosas intritziant tramas ismeraldinas de chercos e suèglios, lidones e castennàglios, ghiníperos e chessa Terminologia iscientìfica mt, Erica arborea, E. scoparia Ètimu srd. Tradutziones Frantzesu bruyère Ingresu heather Ispagnolu brezo Italianu èrica da ciòcco, scópa gentile Tedescu Besenkraut.

framíu, fràmiu , nm: frammiu, fràmmia, fràmmiu, frumiu Definitzione iscoba fémina, genia de linna chi abbarrat a tupa, a fògia finevine, minuda, fioredhu piticu biancu: faet un’arraighina grussa bona po fàere pipas e carbone; framiu dhu narant fintzes a css. linnighedha fine po allumiare fogu o inchèndhere su forru, e frumiu po ogiastedhu bàsciu Sinònimos e contràrios cantentarzu, castagnarza, ghidhostra, idhostra, salina 1, túfera Frases de s'arraegina de su fràmmiu faent is pipas Terminologia iscientìfica mt, Erica scoparia Ètimu ltn. flammeus Tradutziones Frantzesu bruyère Ingresu heather Ispagnolu brezo de escobas Italianu scópa gentile Tedescu Besenkraut.

iscòba , nf: iscopa, iscova, scova Definitzione genia de aina chi s'intrat in punta de unu bàculu, totu a fròngias cracas e fines po mundhare àliga passandhodha in terra a frigadura; sa carena, su chi abbarrat de unu gurdone de àghina apustis bodhiu su pibione; in su giogu a cartas, genia de bínchia chi si faet pinnigandhondhe totu is cartas chi funt in terra; a logos iscopa est una tupighedha bona po meighina, sa Ephedra nebrodensis)/ crezes de iscoba: de risu (lada), de parma (tundha), de castannarju, de matricúsia (pro arga de fora de domo); Bernardu mi at bistu, iscovas de forru = si narat de su tramposu chi no pagat o no torrat su chi depet; min. iscovighedha Sinònimos e contràrios iscóbulu Frases at a tocai a giai una passada de iscova innòi puru ◊ tratant s'iscoba pro mundhare sas alzolas Ètimu ltn. scopa Tradutziones Frantzesu balai Ingresu broom Ispagnolu escoba Italianu scópa Tedescu Besen.

iscóbulu , nm: iscópulu, iscóvulu Definitzione iscova de domo, aina de pramma o de àtera cosa finevine acapiada a matzu tundhu e intrada in d-unu fuste po mundhare o pinnigare àliga passandhodha a tragadura / sa parte de s'i. ue s'intrat su bàculu: tanaxi; su pl., iscóbulos, itl. saggina, calidade de Sorghum vulgare, genia de laore chi faet artu che a su moriscu (e dhi assimbígiat puru) ma cun su frore a iscoba, totu a chimas finedhedhas e longas ue faet su sèmene a meda, e bonu po fàere iscobas mannas ciatas a sa parte de mundhare; lassare a ccn. chin s'iscóbulu in mesu domo = in campu e in crachi (itl. piantare in asso) Sinònimos e contràrios iscoba Frases inoghe che cheret dadu una colada de iscóbulu a che collire s'arga ◊ fue in lestresa o ti bisestro a corpos de iscóbulu! ◊ dadhi una passadedha de iscóvulu po ne arregòllere sa lana! ◊ si intrat unu póveru ndhe lu vocant a corfos de iscópulu Ètimu srd. Tradutziones Frantzesu balai Ingresu broom Ispagnolu escoba Italianu scópa Tedescu Besen.

salína 1 , nf Definitzione una calidade de ghidhostre Sinònimos e contràrios framiu Terminologia iscientìfica mt, Erica scoparia Tradutziones Frantzesu bruyère Ingresu heather Ispagnolu brezo, escobilla Italianu scópa gentile Tedescu Besenkraut.

túfera , nf: túvara, túvera, túvura Definitzione iscoba màsciu, màscina o túvara bera, iscoba fémina o vera e fintzes iscova burda, tres calidades de sa matessi linna chi faet fògia pitichedhedha, frore biancu, arraighina bona po fàere pipas e pitica coment'e mata, prus che àteru a tupa / túvara vitània = napu o fintzes tapu tamburru, genia de erba chi narant fintzes patata americana (benit de s'América: nms. Helianthus tuberosus), faet unu cambu finedhedhu e longu meda e in s'arraighina faet una genia de nodos mannos e longos, una patata, ma prus tostada e druche, a pigiolu orrubiastu; túvera a logos est una genia de codrolinu chi faet asuta de terra a bisura de patata: itl. tartufo Sinònimos e contràrios cantentarzu, castagnarza, ghidhostra, idhostra, lòstiri, salina 1, scovitzi Frases custa tanca est prena de ozastros, de túvera e de lidone ◊ curres a ispantu tra túveras e chercos poderosos e castanzas e ílighes Terminologia iscientìfica mt, Erica scoparia, E. terminalis Tradutziones Frantzesu bruyère Ingresu heather Ispagnolu brezo Italianu èrica da ciòcco, scópa gentile Tedescu Besenkraut.