Ditzionàriu in línia
de sa limba e de sa cultura sarda

interràgiu , nm: interràrgiu Definitzione su interrare, ma mescamente su acumpangiare su mortu a campusantu, a s'interru Sinònimos e contràrios acumpagnu, interru, unterrígiu Frases eandhe s'interràgiu chi fatesint a un'ómine de tanta galavera! ◊ po fàere s'interràrgiu a mengianu no dhue at preide Ètimu ctl. enterratge Tradutziones Frantzesu inhumation, enterrement Ingresu inhumation Ispagnolu entierro Italianu inumazióne, seppelliménto Tedescu Beerdigung.

intérru , nm Definitzione su interrare is mortos, ma nau prus che àteru po s'acumpangiamentu chi dhis faent fintzes a campusantu Sinònimos e contràrios tuda / acumpagnu, interràgiu, interramentu / cdh. intarru Frases totu cussa zente in campusantu… ite bi at, interru? ◊ cantu tocos as inténdhiu de interru e de agonias!…◊ sa fanfarra de miniera fiat provendu sa màrcia po s'interru, coment'e dogna borta Ètimu ctl., spn. enterro Tradutziones Frantzesu inhumation, enterrement Ingresu burial Ispagnolu entierro Italianu inumazióne, seppelliménto Tedescu Beerdigung.