Ditzionàriu in línia
de sa limba e de sa cultura sarda

abbicónia , nf, nm: abbicóniu, apicóniu, bicónia, picónia Definitzione prus che àteru si narat in su sensu de calecuna cosa bona de papare, ma podet èssere fintzes bundhante, meda Sinònimos e contràrios ispuntinu, pichetada, pranzete, rebbota Frases aiant fatu un'abbicóniu a petza arrustida ◊ amigos allevadores aiant ammaniadu un'abbicóniu cun porchedhos passados in sazu e in foghile ◊ sas mariposas sunt in apicóniu in su cagarantzu Ètimu srd. Tradutziones Frantzesu casse-croûte Ingresu snack Ispagnolu tentempié Italianu spuntino Tedescu Imbiß.

pichetàda , nf Definitzione su pichetai, papada chi si faet mescamente in cumpangia Sinònimos e contràrios abbicónia, ciampanella, ispuntinu, murrecada, pichetu 2, pranzete, rebbota, sciaballabata Frases cussu est prexau candu est in logu de pichetadas ◊ fiat fadendu sa pichetada cun d-una cedha manna de invitaus ◊ feus una pichetada de pisci Ètimu srd. Tradutziones Frantzesu banquet Ingresu banquet, snack Ispagnolu banquete Italianu spuntino, banchétto Tedescu Festessen.