Legenda Incurtzaduras | Legenda Sìmbulos

cadíra , nf: carida, carira Definitzione genia de mobbília po cicire, artighina, a bàtoro peis e cun is palas Sinònimos e contràrios cadrea Maneras de nàrrere csn: sètziri a c. = sere in cradea; sèdere in punta de cadira = a orighedhu, in s'ata; bènniri (o andai, èssiri) a c. sétzia = pònneresi deretu a manigare (o àteru), chentza fàghere nudha pro ndhe ammanitzare, andhare a faina fata; pigai a unu a cadiredha santa, a (o in) pala cadira, o a pala cardiga = zúchere a càtara, sétidu subra de sas manos intradas apare de àteros duos; c. de bratzus = a bratzos (pro arrumbare sos bratzos); aturai che Annica chentz'e c. = furcadu, ingannadu; cadiredhas = una creze de cambaredha minuda chi impreant fintzas pro aesca sos piscadores Frases pícadi sa cadira e sede! ◊ at postu is cadiras totu a ingíriu de sa mesa ◊ parit cadira de paraímpiu, totu iscosciada!◊ is pipias furint giogandho cun is cosas chi si faent in domo, a pículas, cun is pipias de tzàpulu e faiant is telàrgios cun is cadiras po giogare a tèssere 2. est chi dèu apu portau ciorbedhu, si no iast fatu su chi boliast prima de ti cojai e femu aturara che Annica sentza de carira! ◊ séditi bene, che in domo tua, chi ses sétia in punta de cadira! 3. cussa est genti chi est a cadira sétzia! Terminologia iscientìfica mbl Ètimu ctl. cadira Tradutziones Frantzesu chaise Ingresu chair Ispagnolu silla Italianu sèdia Tedescu Stuhl.

cadrèa , nf: catrea, cradea, cradera, cratea Definitzione trastu, genia de mobbília po cicire, artighina, a bàtoro peis e cun is palas / min. cadreedha, cadreighedha, craderedha; genias de c.: fissa, a fórtighe (cun is peis intraos apare a scéscia cun assaedhu e su paris de artzare apalas, pertitindho deosi de dha serrare e chistire in pagu logu)/ portare a unu a palagadrea, a càtara, a catra = pigai a unu a cadiredha santa, a (o in) pala cadira (o a pala cardiga, a cadir’e oro), sétidu subra de sas manos de àteros duos intradas apare Sinònimos e contràrios cadira Frases lèadi sa cadrea a ti sere! ◊ so andhadu a domo sua ma no mi at porridu mancu sa cadrea! ◊ si nche pesat dae sa cratea inuve est séitu 2. mi so ammaculiadu in sa cadrea a tretos de ndhe rúere! Terminologia iscientìfica mbl Ètimu ltn. cathedra Tradutziones Frantzesu chaise Ingresu chair Ispagnolu silla Italianu sèdia Tedescu Stuhl.

«« Torra a chircare