Legenda Incurtzaduras | Legenda Sìmbulos

ammudigonàre , vrb: ammutigonare Definitzione essire mudurcos, de pagos foedhos, abbarrare citios Sinònimos e contràrios ammutullonare, citire Frases sa vida de campagnolu che l'aiat unu pagu ammudigonadu ◊ si est ammutigonadu unu pagu e poi si est postu a nàrrere Ètimu srd. Tradutziones Frantzesu rendre taciturne Ingresu to make taciturn Ispagnolu ser taciturno Italianu rèndere o stare taciturno Tedescu schweigsam sein.

mudigòne , agt Definitzione chi acostumat a foedhare pagu, chi abbarrat meda citiu Sinònimos e contràrios muduleu, mudurcu, mutricone, mutruche, mutzurru | ctr. ciaciareri, paraletadore, tzarrantinu Frases mudigone e bonu, fit chérfidu bene e apretziadu Terminologia iscientìfica ntl Tradutziones Frantzesu taciturne Ingresu taciturn Ispagnolu taciturno Italianu taciturno Tedescu schweigsam, schweigend.

muduléu , agt, nm: muruleu Definitzione chi o chie foedhat pagu e nudha, chi dhi praghet a istare citiu Sinònimos e contràrios mudigone, mudurcu, mutzurru | ctr. ciaciareri, paraletadore, tzarrantinu Frases fit conchibesudu, ojimaduru e sempre muduleu 2. fateit fàghere una mata de risu fentra a cussu muduleu de ghiadore ◊ cudhu muduleu no riiat mancu in die de Pasca Terminologia iscientìfica ntl Ètimu srd. Tradutziones Frantzesu taciturne Ingresu reserved Ispagnolu taciturno Italianu taciturno Tedescu schweigsam, wortkarger Mensch.

mudulòne , agt, nm: mutullone, mutulone Definitzione chi o chie est de pagos foedhos, chi foedhat pagu fintzes candho bollet foedhau (e po cussu, fintzes tontorrone, pagu abbistu) Sinònimos e contràrios mudigone, muduleu, muduncu, mudurcu, mutruche, mutzurru | ctr. ciaciareri, paraletadore, tzarrantinu Frases isse fit unu cuenteri e arrejonatore abbistu, geo mutulone ma ascurtatore vonu Ètimu srd. Tradutziones Frantzesu taciturne, muet Ingresu uncommunicative, mute Ispagnolu taciturno, callado Italianu taciturno, mùtolo Tedescu schweigsam, wortkarger Mensch, stumm, Stumme.

satúrnu , agt Definitzione nau de ccn., chi abbarrat citiu, mudu, coment'e intristau Sinònimos e contràrios mudigone, muduleu / annicadu, intristau, pirmatu | ctr. allegru, pregiosu Frases saludèndhelu, Gràssia li aiat fatu unu risitu saturnu ◊ a bíere làgrimas currendhe dae sos ogros de su nepode l'aiat torradu saturnu e sena isperu (Z.F.Pintore) Tradutziones Frantzesu taciturne Ingresu taciturn Ispagnolu taciturno Italianu taciturno Tedescu schweigsam.

«« Torra a chircare