Ditzionàriu in línia
de sa limba e de sa cultura sarda

acóntu , nm Definitzione parte chi si pagat o chi si giaet de unu tanti chi si depet Frases apo bocau sa cartera pro li dare un'acontu pro sa tanca Ètimu itl. Tradutziones Frantzesu acompte Ingresu down payment Ispagnolu anticipo Italianu accónto Tedescu Anzahlung.

aforài, aforàre , vrb Definitzione giare s'aforu, cabarras, antibitzare una parte de su prétziu po una cosa chi si bolet comporare Sinònimos e contràrios acabarrare Frases cussu at aforadu su bestiàmine meu ca lu so bendhindhe Ètimu srd. Tradutziones Frantzesu accaparer Ingresu to hoarn Ispagnolu dar una señal Italianu accaparrare Tedescu einen Handel durch eine Anzahlung abschließen.

cabàrra , nf, nm: caparra, caparru Definitzione una parte de su chi costat sa cosa chi si còmporat (o leat in afitu) giada innanti, comente si faet s'acórdiu, po assegurare sa còmpora (o afitu)/ donai, dare cabarras Sinònimos e contràrios antibitzu, inforu Frases amus cumbinadu pro comporare cussu possessu e l'apo dadu cabarras puru, no siat fintzas chi s'irbortet ◊ manchendi de fuedhus, chini còmporat perdit su caparru, chini bendit dhu depit torrai a dópiu Ètimu itl. Tradutziones Frantzesu arrhes Ingresu deposit Ispagnolu fianza, señal Italianu caparra Tedescu Anzahlung.

infóru , nm Definitzione una parte de su chi costat sa cosa chi si còmporat giada antibitzada po si dh'agguantare segura (o po seguresa de su bendhidore) Sinònimos e contràrios aforu, cabarra Ètimu spn. aforo Tradutziones Frantzesu avance Ingresu advance Ispagnolu fianza Italianu antìcipo Tedescu Anzahlung.