Ditzionàriu in línia
de sa limba e de sa cultura sarda

cambàle, cambàli , nm: cammale, gambale Definitzione genia de pinzos grussu, prus che àteru de pedhe, chi si ponet in cambas a usu de cambera tra benugu e cambúciu, apertu in su costau a sa parte de fora inue est abbutonau a lobos de corria chi intrant unu in s'àteru, o fintzes cun butones, a isteca; is costaos de unu sedhatzu / unu c. de linna = una camba de àrbure Frases fit un'ómine a cambales e a pantalones a isporta ◊ tenet cosinzos e cammales ◊ is cambalis furint incones de pedhe ci imbusciànt is cambas, dhus impreànt po andari a cuadhu Terminologia iscientìfica bst Ètimu srd. Tradutziones Frantzesu houseau Ingresu legging Ispagnolu caña Italianu gambale Tedescu Gamasche.

càrcias , nf pl: cartzas, cràcias, cratza, cratzas Definitzione genia de caltzas, cambales niedhos de furesu Sinònimos e contràrios caltzeta Terminologia iscientìfica bst Tradutziones Frantzesu guêtres Ingresu spats Ispagnolu polaina, botín Italianu ghétte Tedescu Gamasche.