Ditzionàriu in línia
de sa limba e de sa cultura sarda

categoría , nf Definitzione genia de una cosa, calidade de cosa (fintzes ideas, professiones, e àteru) chi si podet distínghere de un'àtera Sinònimos e contràrios creze 1, genia, iscera Tradutziones Frantzesu catégorie Ingresu category Ispagnolu categoría Italianu categorìa Tedescu Kategorie.

crèze 1 , nf: greza Definitzione cosa chi in is calidades si distinghet de un'àtera Sinònimos e contràrios calidade, genia, iscera, iscrípia, paru Frases su campu produet su laore cufromma a sa creze de su terrinu ◊ sos frutuàrios sunt de tantas crezes ◊ custu basolu est de duas crezes: cheret chirriadu su de semenare ◊ sas erbas bonas sunt de tantas crezes ◊ cuss'àrbure bogat fiores de creze mala chi iscóniat su fragu Tradutziones Frantzesu catégorie, genre Ingresu cathegory, kind Ispagnolu categoría, género Italianu categorìa, gènere Tedescu Kategorie, Art.