Ditzionàriu in línia
de sa limba e de sa cultura sarda

contulàgliu, contulàlzu , agt, nm: contularju, contularzu 1 Definitzione chi o chie istat sèmpere cricandho contos, allegas, bodhetas, o contat totu, no mantenet segretu Sinònimos e contràrios allegàrgiu, bodheteri, chistionarzu, colesseri, crastuleri, cràstulu, crocoleri, fatitàgiu, fominzu, foxileri, licuteri, livitzanu, lorodhosu, novedharzu, piscinàrgiu, porretànciu, prillisseri / contasseri Frases contulalzu, ses sempre prontu a fàghere male! ◊ sas contularjas de su bichinau ant chircau de cada manera de infertzire carchi malíssia pro aerent it'e nàrrere ◊ cussas sunt féminas faularzas e contularzas! Terminologia iscientìfica ntl Ètimu srd. Tradutziones Frantzesu cancanier Ingresu gossip (y) Ispagnolu chismoso Italianu pettégolo Tedescu Klatschmaul.

scucéri , agt, nm Definitzione chi o chie istat aifatu, iscurtandho, che un'ascúcia, chi istat cricandho chistiones angenas chentza cabu Sinònimos e contràrios contulàgliu, cràstulu, fominzu, foxileri, liuteri Frases - Gomai est in s'oru de s'enna… - Lassaincedha intrai! - Scucera bella! ◊ ge no at a nai ca no si ndi acatat de is cosas, cussa scucera: depit èssi tota sa dí manna innias! ◊ fiat intrau a iscruculliai in domu, cun sa scusa de una cotura de fà, pariat unu scuceri! Terminologia iscientìfica ntl Ètimu srd. Tradutziones Frantzesu potinier Ingresu gossipy, gossiper Ispagnolu chismoso, cotillero Italianu pettégolo Tedescu geschwätzig, Klatschmaul.