Ditzionàriu in línia
de sa limba e de sa cultura sarda

carròcia 1 , nf: carrossa, carrotza Definitzione genia de carru solu po ingòllere gente; in is trenos, vogone cun is postos a cicire gente Frases tuchesint in carròcia, dadu chi sa ferrovia no fit fata Terminologia iscientìfica trps Ètimu itl. Tradutziones Frantzesu voiture, wagon Ingresu coach Ispagnolu carroza, carruaje, vagón (m), coche (m) Italianu carròzza Tedescu Kutsche.

carrossínu , nm: carrotzinu, carrucinu Definitzione genia de carrotza pitica Sinònimos e contràrios cdh. carrutzinu Frases babbu cun su carrucinu che acumpanzaiat a mamma a crésia ◊ unu tempus sa levarora benèt a carrossinu Terminologia iscientìfica trps Tradutziones Frantzesu cabriolet Ingresu cab Ispagnolu cochecito Italianu carrozzino Tedescu kleine Kutsche.

cóciu , nm Definitzione genia de carrotza, a bàtoro orrodas e assumancu a duos cuadhos, unu tempus impreada po sa posta Frases balit prus s'àcua de abrili chi non su cóciu de su rei Dàvidi ◊ su cóciu dhu ghiat su coceri Sambenados e Provèrbios smb: Cocciu Ètimu spn. cotxu, coche Tradutziones Frantzesu carrosse Ingresu coach Ispagnolu coche Italianu còcchio Tedescu Kutsche.