Ditzionàriu in línia
de sa limba e de sa cultura sarda

altzòla , nf: atzola Definitzione sa lana filada fata a lobos mannos totu cantepare cun s’ixorbidórgiu, pronta po dha tínghere: s'atzola o madassa si ponet in s’ixorbedrama po dha fàere a lòmboros (sòrbere s'atzola) e sighire a preparare po tèssere; min. de atza Sinònimos e contràrios ferrada 1, madassa / cdh. aciola, ttrs. atzora Maneras de nàrrere csn: bogare o fàchere atzola = arrennèsciri a fai una cosa, ispodhiai; èssere un'atzola sorigada = èssiri bellu a fai nudha 2. a contos fatos, inue leant su sórighe pro batu no ndhe bogas atzola, de nudha! ◊ sa chistione no mezoràt e no che podiat bogare altzolas ◊ de cussa chistione no ndhe bogheint atzola mancu sos avocados Sambenados e Provèrbios smb: Azzola (e Zola) Ètimu itl.t azzola Tradutziones Frantzesu écheveau Ingresu hank Ispagnolu madeja, ovillo Italianu matassa Tedescu Strähne.

àtza 3 , nf Definitzione atzola / bogare atza de una cosa = fàghere atzola, arennèsciri a fai una cosa Sinònimos e contràrios altzola 2. est unu pitzinnu intelligente meda, ma no ndhe at a bogare atza de sa vida! Tradutziones Frantzesu écheveau Ingresu skein Ispagnolu madeja Italianu matassa Tedescu Strähne.

cucurédhu , nm Definitzione min. de cúcuru: chirrione o matucone de pilos; terrenu chi faet unu pagu a cúcuru, prus in artu Sinònimos e contràrios cherrione, cirru, ciufu, pubusa, pubusone 1, tipisone / monticru Frases unu cucuredhu de pilos Sambenados e Provèrbios smb: Cuccureddu Tradutziones Frantzesu mèche Ingresu lock Ispagnolu mechón Italianu ciòcca Tedescu Strähne.