Legenda Incurtzaduras | Legenda Sìmbulos

difarénsia , nf: difaréntzia, diferénscia, diferénsia, diferéntzia, diferéssia Definitzione totugantu su chi no torrat impare, de duas cosas o chistiones, totu su chi distinghet una cosa de un'àtera / segai sa diferénsia = pònnere de acordu duos, chircare de fàghere torrare paris duas ideas o àteru in disacórdiu Sinònimos e contràrios distintzione, diversidade Frases giai si biet sa diferéntzia tra is pipios erricos e is pòberos! ◊ bi at diferéssia manna tra su chi naro deo e su chi narat isse ◊ in nois duos bi est sa difaréntzia e gai amos divèscia sa cusséntzia! (Piras)◊ s'arràngiat una morti de ómini e no si arràngiat custa diferéntzia?! ◊ pitica sa diferénsia: po mei a is noi est coia, po issu est tardu!◊ no aus tentu mai una diferéntzia cun pobidha mia! Tradutziones Frantzesu différence Ingresu difference Ispagnolu diferencia Italianu diffèrenza, diversità, discrepanza Tedescu Verschiedenheit, Unterschied.

distàntzia , nf Definitzione su tretu chi dhu’est de unu logu a un'àteru, su tanti chi est atesu unu puntu de un'àteru; sa diferéntzia inter duas cosas Frases sendhe a chilómitros de distàntzia no nos podimos chistionare comente cherimus ◊ serbit a mannus e piticus s’arregodu de is antigus, genti chi at iscípiu aguantai e no si funt arréndius a malaria, distàntzia e fàmini! 2. girandhe inoghe, girandhe in cudhane, ah cantu noto manna sa distàntzia dae chie at totu e chie mancu at pane! (S.Angioy) Tradutziones Frantzesu distance Ingresu distance Ispagnolu distancia Italianu distanza Tedescu Entfernung, Distanz, Unterschied.

distintziòne, distintziòni , nf Definitzione sa diferéntzia chi si faet tra duas cosas; su distínghere Sinònimos e contràrios difarénsia, sceru Frases tra sos macos, meda che est in bassu chie no usat sa distintzione Tradutziones Frantzesu distinction Ingresu distinction Ispagnolu distinción Italianu distinzióne Tedescu Unterschied.

«« Torra a chircare