Ditzionàriu in línia
de sa limba e de sa cultura sarda

cambiaméntu , nm: cammiamentu Definitzione su cambiare / donai su cambiamentu a unu = dare su càmbiu, andhare a su postu de un'àteru a fàghere sa cosa Sinònimos e contràrios cambiada, càmbiu, giambamentu, mudamentu, tramuda | ctr. assentamentu Frases nachi semus mezorendhe, ma mi paret chi cambiamentu perunu no bi ndhe at! ◊ tenia unu fígiu cun su male caduncu e po dhu sanare iaus tentau dónnia cura chentza perunu cambiamentu ◊ unu cambiamentu nci biu: in prus de is bratzus a trabballai funt ponendi sa conca puru ◊ imbiau ecini at a cumprendhe eite bolet nae custu cambiamentu! Tradutziones Frantzesu changement, variation Ingresu change, variation Ispagnolu cambio, mutación (f), relevo Italianu cambiaménto, trasformazióne, variazióne Tedescu Änderung, Verwandlung.

istramudínzu , nm Sinònimos e contràrios cambiamentu, muda Frases s'istramudinzu de sa natura paret ispantu Ètimu srd. Tradutziones Frantzesu métamorphose Ingresu metamorphosis Ispagnolu metamorfosis Italianu metamòrfosi Tedescu Verwandlung.

múda , nf Definitzione su mudare; su fàere bellu unu logu o una cosa; sa cosa chi si ponet po mudare, po fàere unu logu prus bellu, o fintzes bestimentu bonu chi si ponet in dossu po festa o solu po dhu portare límpiu Sinònimos e contràrios istramudinzu, mudadura, mudansa / càmbiu, tràmmudu Maneras de nàrrere csn: traste de m. = traste chi de tantu in tantu si ndhe bogat a pizu pro lu pònnere; sa m. de sa festa = bestimenta bona Frases milli allegrias, dícias chi no fentomo, paraiant a muda sa domita (A.Spano)◊ tres fizos, tres gigantes, tres fiores poniant sa muda in custu logu che matzu de lizos friscos in s'altare ◊ arrecadas a muda portat s'Annuntziada… 2. s'istatzu est sa muda de su saltu ◊ ti at frundhidu che lórumu de trama sa chi ti aiat dévidu pesare che anzonedhu chi est sa muda de s'ama ◊ pro muda si at postu su mantedhu 3. sa muzere li at preparadu sa bestimenta de muda, ca deviat tucare Ètimu srd. Tradutziones Frantzesu changement, métamorphose, changement, embellissement Ingresu change, embellishment Ispagnolu mutación, cambio, embellecimiento Italianu mutaménto, metamòrfosi, mutazióne, abbelliménto Tedescu Veränderung, Verwandlung, Verschönerung.

mudànsa, mudànscia , nf: mudantza, mudàntzia, mutantza Definitzione su mudare; fintzes su bestimentu càmbiu, prus bonu, chi unu si ponet Sinònimos e contràrios cambiamentu, muda, mudadura, mudamentu, mudascione / tràmmudu 2. s'isposa iat postu sa mudantza ispeciali de sa dí de sa coja Tradutziones Frantzesu changement Ingresu mutation Ispagnolu mudanza Italianu mutazióne Tedescu Veränderung, Verwandlung.

trasfiguraméntu , nm Definitzione su cambiare bisura Sinònimos e contràrios muda, mudansa, trasfiguratzione Tradutziones Frantzesu transfiguration Ingresu transfiguration Ispagnolu transfiguración Italianu trasfigurazióne Tedescu Verwandlung.