Ditzionàriu in línia
de sa limba e de sa cultura sarda

acimbellài , vrb rfl Definitzione istare in pentzamentu e fintzes su si pigare dispraxere po calecunu bisóngiu o dificurtade, portare cimbellas in conca Sinònimos e contràrios apinnicare, apistichinzare assudhire, insudhire Frases fut totu acimbellau chi no agatàt genti a donai su sànguini, ca depint operai a sa mulleri ◊ no t'acimbellis po sa cosa de pagai: prega po sa saludi! ◊ immoi ca iscís chi est arribbendi acabbadha de ti acimbellai! Ètimu srd. Tradutziones Frantzesu se préoccuper Ingresu to be worried Ispagnolu preocuparse Italianu preoccuparsi Tedescu besorgt sein.

apensamentàu , pps, agt: apessamentadu Definitzione de apensamentai; chi tenet pentzamentu, arreolu po calecuna cosa (nau a befa o a briga, su ctr.) Sinònimos e contràrios abiolau, apinnicadu, arreolau, impensamentau, orioladu, penciamentosu, pistichinzosu | ctr. ilvioladu, selenu, trancuillone 2. est apensamentada ca no iscít comenti fai ◊ fiat apensamentau po su nasu chi dhi sighiat a crèsciri ◊ babbu tuo est apessamentau ca su pitzinnu est galu a ghirare Tradutziones Frantzesu pensif, préoccupé Ingresu worried Ispagnolu pensativo, preocupado Italianu pensieróso, preoccupato Tedescu besorgt.

impensamentàu , agt: impentzamentau Definitzione chi est o istat in pentzamentu, chi tenet pistighíngiu Sinònimos e contràrios apensamentau, apinnicadu, insudhidu, orioladu, pistichinzosu | ctr. asseliadu, trancuillu Frases arguai a fusteti chi si torrat a ammaladiai: fiaus totus impentzamentaus! ◊ at arropau a mei, e tui impentzamentada ca at a èssi certendu cun cancunu! ◊ sa mama est diventada sempri prus trista e impensamentada po su fillu Tradutziones Frantzesu préoccupé Ingresu worried Ispagnolu preocupado Italianu impensierito Tedescu besorgt.

insudhídu , pps, agt Definitzione de insudhire; chi portat o tenet sudhos in conca, pentzamentos Sinònimos e contràrios apensamentau, apinnicadu, assudhidu, orioladu, pistichinzosu | ctr. asseliadu, trancuillu 2. insudhidu si li bortat contra invitèndhelu a si aviare, si no cheriat ciafos ◊ insudhidu, achendho sa candhela e miro s'istàntzia… bóida Tradutziones Frantzesu préoccupé Ingresu anxious Ispagnolu preocupado Italianu impensierito Tedescu besorgt.

insudhíre , vrb Definitzione àere o pònnere in sudhos, pistighíngiu, pentzamentos Sinònimos e contràrios acimbellai, apinnicare, assudhire Frases deves fuire sos bios, ca ti podent insudhire e nòghere Ètimu srd. Tradutziones Frantzesu se préoccuper Ingresu to get anxious Ispagnolu preocuparse Italianu preoccuparsi, impensierirsi Tedescu besorgt sein.

oriolàdu , pps, agt: arriolau, oriolau Definitzione de oriolare; chi tenet oriolu, chi est in pentzamentu Sinònimos e contràrios apensamentau, apinnicadu, avagliaradu, pistichinzosu, unigosu | ctr. trancuillu 2. fit oriolada timindhe chi sa pitzinna si che moriat ◊ sa muzere fit oriolada addaghi at bidu chi su maridu no bi fit ghiradu mancu a ora de mesanote ◊ fit orioladu pro su saludu de s'amigu ca fit grave ◊ orioladu pro pastorigare, no fit galu ispuntadu su manzanu chi fit pro tucare! ◊ est orioladu pro sa festa e no est pessendhe in àteru Tradutziones Frantzesu préoccupé Ingresu anxious Ispagnolu preocupado, intranquilo Italianu preoccupato, ansióso Tedescu besorgt, sorgenvoll.