Ditzionàriu in línia
de sa limba e de sa cultura sarda

atremenàdu , pps, agt Definitzione de atremenare Sinònimos e contràrios atremurau, impauréssiu, ispaurigau 2. fit una pòbera pitzinna atremenada, cunfusa, in manos de cudha fémina chi la cheriat intregare a su padronu sa primu note de s'afidu ◊ so atremenada e fata! Tradutziones Frantzesu épouvanté Ingresu frightened Ispagnolu asustado Italianu impaurito Tedescu erschrocken.

ispaurigàu , pps, agt Definitzione de ispaurigare; chi dh'ant fatu a tímere, chi est assicau Sinònimos e contràrios atremenadu, atzicau, impauréssiu, isprauriu 2. sas ispaurigadas pipias sont de làgrimas signadas ◊ est ispaurigau su coro ◊ cudh'ómine, totu ispaurigau po su disatinu, giughiat dónnia ogu che púngiu Tradutziones Frantzesu épouvanté Ingresu scared Ispagnolu asustado, espantado Italianu impaurito Tedescu erschrocken.

istremuntíu , pps, agt: istremutidu Definitzione de istremuntire; nau de ccn., chi est male assicau, timendho meda, tremendhosi de sa timoria Sinònimos e contràrios apantamau, assicau, interroridu, ispreau, spramau, spreluxiu 2. mi at istrampadu lassèndhemi istremutidu e fatèndhemi trachedhare sos ossos Tradutziones Frantzesu terrifié Ingresu terrified Ispagnolu aterrorizado Italianu terrorizzato, atterrito Tedescu erschrocken.