insaboriài , vrb Definitzione giare o pònnere sabore a sa cosa Sinònimos e contràrios assainetare, issaborire | ctr. isaboriare Tradutziones Frantzesu donner de la saveur Ingresu to flavour Ispagnolu sazonar Italianu insaporire Tedescu schmackhaft machen.

licàldu , agt: licardu, licarzu Definitzione nau de cosa de papare, chi est bona saboria, praghillosa, gustosa meda; nau de unu, chi dhi praghent is cosas saborias, chi dhi praghet a papare druches Sinònimos e contràrios licantzu, lichitosu, lichitu, licu / licàngiu, licaniàrgiu, lingherdu / cdh. licaldoni Frases teniat unu naturale: li aggradaiat sa cosa licarda! 2. ischia chi fit licarda e li dei su cuntentu ◊ ladinu chi fit licaldu: mentovaiat meda cosa de manigare ◊ at assazadu su giagadu ca ndhe fit licardu meda Ètimu itl. leccardo Tradutziones Frantzesu savoureux, appétissant Ingresu tasty Ispagnolu gustoso, glotón Italianu gustóso, ghiótto Tedescu schmackhaft, gierig, naschhaft.

licàntzu , agt: licanzu Definitzione chi praghet meda a papare o a bufare, saboriu Sinònimos e contràrios licaldu, lichitosu, lichitu, licoridu, licu Frases sos dulches sardos, cussos trabagliados a sa paesana, sunt de abberu licantzos ◊ pro lu ammasetare l'at imbitzadu cun bucones licantzos ◊ prima lu bufaias cun s'upedhu, su mústiu licantzu Sambenados e Provèrbios smb: Licanzu Tradutziones Frantzesu savoureux, appétissant Ingresu tasty Ispagnolu sabroso Italianu gustóso, saporito, appetitóso Tedescu schmackhaft.

piaghíle , agt: pragíbbile, praxíbbili, praxibi, praxili Definitzione chi tenet gustu bellu; chi praghet, chi ndhe faet praxere Sinònimos e contràrios licantzu, lichitosu, lichitu, saboiru / ispavolzile, prexerósigu | ctr. dolianu Frases est una criadura piaghile ◊ custa palaja est praxili, saboria ◊ custu frutu suciosu est praxibi 2. custu est unu contu praxibi ◊ s'iscoberri sa língua de is babbus e mamas est istétiu unu trebballu alligru e praxili po is pipius ◊ sa fémina fiat ancora bella e praxibi ◊ custa cumpangia est pagu praxibi!◊ fuant mamentos pagu pragíbbiles, cussos! Ètimu srd. Tradutziones Frantzesu agréable, savoureux Ingresu palatable Ispagnolu agradable, placentero Italianu piacévole, gradévole, gustóso Tedescu angenehm, gefällig, schmackhaft.

praghillósu , agt: praighilosu Definitzione chi praghet, chi faet praxere (ca est bellu, curiosu, bonu, gustosu) Sinònimos e contràrios piaghile Frases issu cun cussa pariga de bafos biancos fut própriu praghillosu (Deidda-Saderi)◊ at prenu sa carrafina de binu druche e praghillosu Ètimu srd. Tradutziones Frantzesu agréable Ingresu palatable Ispagnolu agradable Italianu piacévole Tedescu angenehm, gefällig, schmackhaft.

saboíru, sabóiru , agt: saboridu, saboriu, saporiu, saoridu Definitzione nau de su papare, chi tenet sabore, pruschetotu sabore praghillosu Sinònimos e contràrios gultosu, licaldu, lichitosu, lichitu, licu, licuridu / ttrs. sauridu | ctr. isaboriadu, isàpidu Frases bella custa petza de albeghe, saborida e bene cota! ◊ saboriu che sa nuxi est essiu, su pitzicorru!◊ bucone dividiu ist plus saboriu ◊ su tataliu est bellu e saporiu ◊ mi sunt arribbaos sos tziculates, saporios e baratos ◊ bellus saboirus, custus culurgionis! ◊ is pàrdulas cotas in su forru a linna essint prus saboiras Ètimu srd. Tradutziones Frantzesu savoureux Ingresu savoury Ispagnolu sabroso Italianu saporito, sàpido Tedescu schmackhaft, wohlschmeckend.

«« Torra a chircare