incabbiài , vrb: ingabbiai, ingabbiare Definitzione pònnere in càbbia, inserrare aintru Sinònimos e contràrios ingribbiai | ctr. bocare Tradutziones Frantzesu encager Ingresu to cage Ispagnolu enjaular Italianu ingabbiare Tedescu in einen Käfig sperren.

incassidhàre, incassillài , vrb Definitzione tratènnere ammalaògia firmu chentza lassare andhare, chentza pòdere fàere o fuire Sinònimos e contràrios arrocai, imprasonai, isserrai / incasciae Frases acuita po no t'incassillai s'unda me in s'arriu! ◊ fiat in domu e candu est arribbada s'àcua dh'at incassillada aintru ◊ sa fillatrota est s'ambidha abarrat incassillada me is arrius sentza de podi torrai a mari ◊ non podiat fai pru nudha… si est agatada incassillada 2. a picinnia incassidhao profumos e sedatzao sónnios ◊ si at papau totu su sartitzu e cantu at pótziu incassidhare in brente! Tradutziones Frantzesu bloquer Ingresu to block Ispagnolu bloquear, entrampar Italianu bloccare, intrappolare Tedescu sperren.

ingribbiài , vrb Definitzione pònnere in gríbbia, in presone Sinònimos e contràrios imprasonai, ingalerare, ingiabbulare / incabbiai / incassidhare 2. coru ingribbiau chi sufris, poita no dh'acabbas, tui puru, e mi lassas drommí?! (E.Collu) Ètimu itl. Tradutziones Frantzesu encager Ingresu to cage Ispagnolu enjaular Italianu ingabbiare Tedescu in einen Käfig sperren.

«« Torra a chircare