aprontàda , nf Definitzione su aprontare; su si giare a bíere o essire de botu, totinduna; su pigare a unu a face manna, comente faent is prontudos, is isfacios Sinònimos e contràrios improntada, improvisada Ètimu srd. Tradutziones Frantzesu se montrer brusquement Ingresu surprise Ispagnolu aparición repentina Italianu comparsa improvvisa, improvvisata Tedescu Auftauchen, Überraschung.

improvisàda , nf: imprubisada Definitzione cosa, ma pruschetotu lómpia, benia, chi si faet de un'improntu, candho unu no si dhu ibertat Sinònimos e contràrios aprontada Frases no lis nias nudha, in domo tua, chi so ghiradu, ca lis fato un'improvisada! Tradutziones Frantzesu surprise Ingresu surprise Ispagnolu sorpresa Italianu improvvisata Tedescu Überraschung.

ispàntu , nm: spantu Definitzione su abbarrare agiummai coment'e chentza crèdere biendho o intendhendho cosa chi no si pentzaiat o no si ibertaiat; cosa chi po sa bellesa, mannària o àteru de istraordinàriu faet ispantare, meravigiare o fintzes a tímere / i. chi… (nau certendi a unu) = no fait própiu ispantu ca est chistioni de sempri Sinònimos e contràrios abbengu, abberelu, amostu, ispapatu, maravíglia / asciuconu, paura, timoria Frases ndi ant a nai is ispantus in celu e in terra de su sàngui miu ◊ Vírgine santa de lughe bestida, sos séculos ti ammentant cun ispantu! (A.Loy)◊ mi parit ispantu chi no nci siat nisciunus (A.Garau)◊ at una manuza fatendhe sa durcheria chi est un'ispantu! ◊ s'ispantu meu est comente at fatu a fàghere totu cussu tretu in gai pag'ora a pè! 2. in sa Sardigna nostra bella tantu bi at unu tassu de talassemia, percentuales chi faghent ispantu ◊ sa morte ghetat ispantu ube colat ◊ pro l'iscadhare fàgheli unu tiru mancari puru siat a ispantu (G.Raga) 3. ispantu, chi rues…, irdeortu! ◊ ispantu chi ti ch'essis a ziru…, rundhellu! Ètimu spn. espanto Tradutziones Frantzesu étonnement Ingresu astonishment, surprise Ispagnolu admiración, asombro Italianu meravìglia, sorprésa, stupóre, sbalordiménto Tedescu Verwunderung, Erstaunen, Überraschung, Verblüffung.

«« Torra a chircare