Ditzionàriu in línia
de sa limba e de sa cultura sarda

àlchida , nf, nm: àlchidu, àrchidu, àrchita, àschida, àschidu Definition fortza o fintzes abbilesa de fàere cosa, de cumandhare, de s'impònnere a is àteros, de si fàere arrespetare Synonyms e antonyms acru 1, archete, arpados, folteléntzia Sentences no apesit àschidos de andhare ◊ a ndhe tenet de àrchidos, cuss'ómine! ◊ torreit in ànimos bonos e de bon'àschidu a che congruire s'òbera de sa die (A.Canalis)◊ a solu no mi abbastant sos àschidos pro ti fàghere leare cussas camineras ◊ cussu no at àteras àrchitas ◊ no apeint sos àschidos de li frimmare sas peràulas in buca Etymon srd. Translations French énergie, vigueur, autorité, prestige English authority, power, vigourprestige, arrogance Spanish autoridad, poder Italian autorità, potére, prestìgio German Macht, Ansehen.

ominía , nf Definition su èssere ómine; fata de ómine, fintzes in su sensu de prepoténtzia, fintzes de fura, de bardana Sentences s'ominia de sos balentes no connoschiat sentidos gasi Etymon srd. Translations French virilité, énergie English boldness, virility, skill Spanish hombría, arrogancia Italian virilità, bravura, spavalderìa German Männlichkeit, Dreistigkeit.